গুৱাহাটী, ৩০ মে (হি.স.)। অসম বিধান সভা সচিবালয়ত সংঘটিত বিত্তীয় অনিয়মৰ তদন্তৰ বাবে কমিটি গঠন কৰা হব - আজি বৰপেটাত এই কথা সদৰি কৰে বিধান সভাৰ অধ্যক্ষ ৰণজিত কুমাৰ দাসে |

বিগত সময়ছোৱাত বিধানসভা সচিবালয়ত বিভিন্ন বিত্তীয় অনিয়ম সংঘটিত হোৱাৰ অভিযোগ উত্থাপনৰ পিচত এই অনিয়মৰ তদন্তৰ বাবে কমিটী গঠনৰ কথা সদৰি কৰে অধ্যক্ষ গৰাকীয়ে |

সাংবাদিকৰ আগত অধ্যক্ষই কলে-

বিধানসভা সচিবালয়ত বিত্তীয় অনিয়ম সংঘটিত হোৱা বুলি সচিবালয় আৰু একাংশ ঠিকাদাৰৰ পৰা মই অভিযোগ পত্ৰ লাভ কৰিছো |

এই অভিযোগ সমুহ পৰীক্ষা কৰাৰ বাবে মোক এটা টীম লাগিব |

এই টীমক কেন্দ্ৰ কৰি মই সমগ্ৰ বিষয়টো পৰীক্ষা কৰিম | যাতে বিধানসভা সচিবালয় খন ঠিক ঠাক কৰিব পাৰো |

আনহাতে বিধানসভা সচিবালয়ত অযুক্তিকৰ ভাবে বহু নিযুক্তি গৈছে |

অস্থায়ী ভিত্তিতে হওক বা মাষ্টাৰৰোল ভিত্তিতে হওক যিসকলক এই নিযুক্তি দিয়া হৈছে সেই সকলৰ বিৰুদ্ধে ব্যৱস্থা লবলৈ সচিবক নিৰ্দেশ দিয়া হৈছে |

কোনো লোকৰ এইবিষয়ে কিবা অভিযোগ থাকিলে তেওঁক অভিযোগ দিবলৈকো আহ্বান অধ্যক্ষ গৰাকীৰ |

ইপিনে বিধানসভাৰ সচিবৰ লগতে ১২ গৰাকী বিষয়া কৰ্মচাৰীক অব্যাহতি দিয়াৰ প্ৰসংগত অধ্যক্ষ ৰণজিৎ কুমাৰ দাসে ক'লে- যিসকলৰ চাকৰি কাৰ্যকাল বৃদ্ধি কৰা হৈছিল সেই সকলৰ চাকৰিৰ ম্যাদ উকলি যোৱাৰ বাবেহে তেওলোকক চাকৰিৰ পৰা অব্যাহতি দিয়া হৈছে |

তেওঁলোকৰ আইনৰ অধাৰতে চাকৰিৰ পৰা অব্যাহতি দিয়া হৈছে |

হিন্দুস্থান সমাচাৰ / প্ৰকাশ ডেকা