ধুবুৰী, ৩০ মে’ (হি.স.): ধুবুৰী জিলাৰ গৌৰীপুৰ শিক্ষাখণ্ডৰ অন্তৰ্গত বালাডোবা এম ভি স্কুলৰ প্ৰধান শিক্ষকৰ নাভূত নাশ্ৰুত কাণ্ডই প্ৰতিক্ৰিয়াৰ সৃষ্টি কৰিছে । দু বছৰৰ পৰা বিদ্যালয়ত অনিয়মীয়া উপস্থিতি় প্ৰধান শিক্ষক আমজাদ আলীৰ । ছাত্ৰ-ছাত্ৰীক দীৰ্ঘদিনৰ পৰা বঞ্ছিত কৰি আহিছে মধ্যাহ্ন ভোজন আহাৰ । ফলত তিনি তিনি কুইন্টল চাউল নষ্ট হৈ যায়।

আনহাতে প্ৰধান শিক্ষক জনে চলিত বৰ্ষৰ ইউনিফৰ্ম বিতৰণ নকৰাত ছাত্ৰ-ছাত্ৰীৰ অভিভাৱকসকল জাঙুৰ খাই উঠে । লগতে বিদ্য়ালয়খনৰ আন্তঃগাঁথনি ধন আত্মসাৎ কৰাৰো অভিযোগ উঠিছে প্ৰধান শিক্ষকৰ বিৰুদ্ধে । মন কৰিবলগীয়া যে তৃতীয় আৰু চতুৰ্থ শ্ৰেণীৰ ছাত্ৰ ছাত্ৰীৰ কাৰণে ডেস্ক, বেঞ্চ নথকাত নানান অসুবিধাৰ সন্মুখীন হ'বলগীয়া হৈছে ছাত্ৰ-ছাত্ৰীসকল । বালাডোবা এম ভি স্কুলৰ প্ৰধান শিক্ষক আমজাদ আলীৰ বিৰুদ্ধে তদন্ত ক্ৰমে বিহীত ব্যৱস্থাৰ দাবী জনাইছে ছাত্ৰ-ছাত্ৰীৰ অভিভাৱকসকলে ।

হিন্দুস্থান সমাচাৰ / কিশোৰ মিশ্ৰ