বৰপেটা, ০৩ মে’ (হি.স.): বাণিজ্যিক চিলিণ্ডাৰৰ মূল্য বৃদ্ধি হোৱাৰ লগে লগে ক্ষুদ্ৰ ব্যৱসায় ক্ষেত্ৰত এক প্ৰকাৰৰ হাঁহাকাৰ অৱস্থাৰ সৃষ্টি হৈছে। বিশেষকৈ সাধাৰণ হোটেল আৰু ৰেষ্টুৰেণ্ট ব্যৱসায়ত ইয়াৰ গভীৰ প্ৰভাৱ পৰিছে । হোটেল মালিকসকলে কৈছে যে গেছৰ মূল্য বৃদ্ধি পোৱাৰ ফলত দৈনিক খৰচ বহুত বাঢ়ি গৈছে ।

এনে অৱস্থাত খাদ্যৰ দাম বৃদ্ধি নকৰাকৈ ব্যৱসায় চলোৱা প্ৰায় অসম্ভৱ হৈ পৰিছে । কিন্তু আনহাতে, যদি খাদ্যৰ মূল্য বৃদ্ধি কৰা হয়, তেন্তে গ্ৰাহকৰ সংখ্যা কমি যোৱাৰ আশংকা থাকে । এই দুটা দিশৰ মাজত পৰি হোটেল ব্যৱসায়ীসকল গভীৰ চিন্তাত পৰিছে । বহুতে ইতিমধ্যে ব্যৱসায় বন্ধ কৰাৰ কথাও ভাবিবলৈ ধৰিছে । যদি এই অৱস্থা অব্যাহত থাকে, তেন্তে ক্ষুদ্ৰ ব্যৱসায় খণ্ডত এক ডাঙৰ সংকটৰ সৃষ্টি হোৱাৰ সম্ভাৱনা আহি পৰাৰ সম্ভাৱনা আছে ।

হিন্দুস্থান সমাচাৰ / কিশোৰ মিশ্ৰ