নতুন দিল্লী, ২৮ মে’ (হি.স.)। উপ-সভাপতি চি.পি. ৰাধাকৃষ্ণনে ২৯ মে’ৰ পৰা ৩১ মে’লৈ তিনিদিনীয়া ভ্ৰমণসূচীৰে কৰ্ণাটক, গোৱা, আৰু কেৰালা ভ্ৰমণ কৰিব ।
উপ-ৰাষ্ট্ৰপতি সচিবালয়ে উল্লেখ কৰে যে ২৯ মে’ত তেওঁ বেংগালুৰুত আৰ্ট অৱ লিভিং ফাউণ্ডেশ্যনৰ ৪৫ বছৰীয়া বিশ্বব্যাপী উদযাপনত অংশগ্ৰহণ কৰিব। একেদিনাই ডাভাংগেৰেস্থিত ইউনিভাৰ্চিটি বিডিটি কলেজ অৱ ইঞ্জিনিয়াৰিঙৰ প্লেটিনাম জয়ন্তী উদযাপনত অংশগ্ৰহণ কৰিব।
ইয়াৰ পিছতে ৩০ মে’ত পানাজিত অনুষ্ঠিত হ’বলগীয়া গোৱা ৰাজ্যিক দিৱস উদযাপনত অংশগ্ৰহণ কৰিব উপ-ৰাষ্ট্ৰপতিগৰাকীয়ে আৰু পৰৱৰ্তী সময়ত চি এছ আই আৰ-নেচনেল ইনষ্টিটিউট অৱ অ’চেন’গ্ৰাফী ভ্ৰমণ কৰিব।
ভ্ৰমণৰ অন্তিম দিনা অৰ্থাৎ ৩১ মে’ত উপ-ৰাষ্ট্ৰপতিগৰাকীয়ে শ্ৰীক্ষেত্ৰ ধৰ্মস্থল মঞ্জুনাথ স্বামী মন্দিৰ পৰিদৰ্শন কৰাৰ লগতে বেলথাংগাডীত ছিৰি ঔদ্যোগিক উদ্যান উদ্বোধন কৰিব। ইয়াৰ পিছত তেওঁ কেৰালালৈ যাব, য’ত তেওঁ কোট্টায়মত মালয়ালম দৈনিক দীপিকাৰ ১৪০ সংখ্যক প্ৰতিষ্ঠা বাৰ্ষিকী উদযাপনৰ শুভ উদ্বোধন কৰিব। সেইদিনা কান্নুৰত ৰাজ্যসভাৰ সাংসদ চি সদানন্দন মাষ্টৰে আয়োজন কৰা এক ব্যক্তিগত অনুষ্ঠানতো অংশগ্ৰহণ কৰিব।
হিন্দুস্থান সমাচাৰ / মনোজ কুমাৰ শইকীয়া
