গুৱাহাটী, ২৮ মে’,(হি.স.)। বিতৰ্কিত ব্যৱসায়ী মুকেশ জালানক পুনৰ গ্ৰেপ্তাৰ কৰা হৈছে, এইবাৰ ৰাজ্যৰ জি এছ টি বিভাগে ১০ কোটি টকাতকৈ অধিক কৰ ফাঁকিৰ অভিযোগত গ্ৰেপ্তাৰ কৰিছে । বিষয়াসকলে জনোৱা মতে, জি এছ টি কৰ্তৃপক্ষই দীৰ্ঘদিনীয়া অভিযান চলাই জালানক জিম্মাত লোৱা হয় । জি এছ টি আইনৰ জামিনবিহীন বিধানৰ অধীনত তেওঁৰ বিৰুদ্ধে গোচৰ ৰুজু কৰা হৈছে ।
সূত্ৰ অনুসৰি জালানে ব্যৱসায়িক কাৰ্য্যকলাপৰ জৰিয়তে বৃহৎ পৰিমাণৰ কৰ ফাঁকি দিয়াৰ অভিযোগ উত্থাপন হৈছে। তেওঁৰ কোম্পানীসমূহ উত্তৰ-পূবৰ বিভিন্ন অঞ্চলত সিচৰিত হৈ আছে আৰু বিষয়াসকলে ইংগিত দিছে যে তেওঁৰ সৈতে জড়িত একাধিক স্থানত অনুসন্ধানকে ধৰি অধিক ব্যৱস্থা গ্ৰহণ কৰা হ’ব পাৰে ।
গ্ৰেপ্তাৰৰ পিছতে জালানক চিকিৎসা পৰীক্ষাৰ বাবে লৈ যোৱা হয় আৰু এতিয়াৰ বাবে জি এছ টি বিভাগৰ জিম্মাত থাকিব । মন কৰিবলগীয়া যে এই ব্যৱসায়ীজনে প্ৰথমবাৰৰ বাবে আইনী সমস্যাৰ সন্মুখীন হোৱা নাই । ইয়াৰ পূৰ্বে তেওঁক পাবলগীয়া ধন আদায় নকৰাৰ অভিযোগত গ্ৰেপ্তাৰ কৰা হৈছিল।
হিন্দুস্থান সমাচাৰ / ৰমেন বৰ্মণ