ঢাকা, ২৭ মে’ (হি.স.)। বাংলাদেশৰ ঢাকা-টাংগাইল-যমুনা দলং ঘাইপথত যোৱা নিশাৰ পৰা ৪৭ কিলোমিটাৰ দৈৰ্ঘ্যৰ যান-জঁটৰ সৃষ্টি হৈছে। আৰক্ষী আৰু যমুনা দলঙৰ বিষয়াই জনোৱা মতে, গাজীপুৰৰ চন্দ্ৰ অঞ্চলত নিশাও যান-জঁট অব্যাহত আছে। বকৰিদৰ কাৰণে মানুহে যিমান পাৰে সোনকালে গন্তব্যস্থান পাব বিচাৰিছিল। বৰষুণৰ মাজতো এতিয়াও ঘাইপথত শাৰী পাতি আছে দীঘলীয়া বাহনৰ শাৰী। বাটত ডজন ডজন বাহন বিকল হৈছে।
ঢাকা ট্ৰিবিউনত প্ৰকাশিত এক প্ৰতিবেদন অনুসৰি যমুনা দলং টোল প্লাজাৰ পৰা টাংগাইল সদৰ মহকুমাৰ ঘৰিন্দা আৰু নাটিয়াপাৰালৈকে, আৰু তাৰ পৰা গোৰাইলৈকে যান-জঁট বিস্তৃত হৈছে। বাকৰিদৰ বন্ধৰ বাবে ঘৰলৈ উভতি অহা লোকসকল, বিশেষকৈ মহিলা, শিশু, আৰু বৃদ্ধ ভ্ৰমণকাৰীসকলে যথেষ্ট অসুবিধাৰ সন্মুখীন হৈছে। বিষয়াসকলে জনোৱা মতে, যান-জঁটৰ সমস্যা লাঘৱ কৰিবলৈ দুটা পৰ্যায়ত একমুখী যাতায়ত কাৰ্যকৰী কৰা হৈছে। এই সময়ছোৱাত পাঁচখন বাহন বিকল হৈ পৰিস্থিতি আৰু অধিক ভয়াৱহ হৈ পৰে।
যমুনা দলং ছাইট অফিচৰ কাৰ্যবাহী অভিযন্তা চৈয়দ ৰিয়াজুদ্দিনে কয় যে বৰষুণ, প্ৰচণ্ড যান-বাহন, দলংখনৰ ওপৰত যান-বাহন বিকল হোৱাৰ বাবেই জামৰ সৃষ্টি হৈছে। তেওঁ লগতে কয়, “আশাকৰোঁ দিনটো আগবাঢ়ি যোৱাৰ লগে লগে পৰিস্থিতি ক্ৰমান্বয়ে উন্নত হ’ব।” টংগাইলৰ আৰক্ষী অধীক্ষক মহম্মদ ছামছুল আলম সৰকাৰে কয় যে ঘাইপথৰ টাংগাইল অংশত যানজঁট অব্যাহত আছে।
--------------
হিন্দুস্থান সমাচাৰ / অৰৱিন্দ
28 May 2026
