নতুন দিল্লী, ২৭ মে’ (হি.স.)। পৰস্পৰ আৰু পাৰস্পৰিকভাৱে লাভজনক বাণিজ্য সম্পৰ্কীয় অন্তৱৰ্তীকালীন চুক্তিৰ বাবে মুখ্য আলোচকৰ নেতৃত্বত আমেৰিকাৰ দলটোৱে ১ জুনৰ পৰা ৪ জুনলৈ ভাৰত ভ্ৰমণ কৰি আলোচনা কৰিব।
আজি এই কথা ঘোষণা কৰে বাণিজ্য মন্ত্ৰালয়ে। মন্ত্ৰালয়ৰ মতে, বজাৰত প্ৰৱেশ, শুল্কবিহীন ব্যৱস্থা, শুল্ক আৰু বাণিজ্যৰ সুবিধা, বিনিয়োগ প্ৰসাৰ, আৰু অৰ্থনৈতিক নিৰাপত্তাৰ সংহতিকে ধৰি কেইবাটাও ক্ষেত্ৰত এক বিস্তৃত দ্বিপাক্ষিক বাণিজ্য চুক্তি (বিটিএ)ৰ অধীনত অন্তৱৰ্তীকালীন চুক্তিৰ সবিশেষ চূড়ান্ত কৰাৰ প্ৰস্তাৱ দিয়া হৈছে।
উল্লেখযোগ্য যে ভাৰত আৰু আমেৰিকাই ৭ ফেব্ৰুৱাৰীত এক যৌথ বিবৃতি প্ৰকাশ কৰি পাৰস্পৰিক আৰু পাৰস্পৰিকভাৱে লাভজনক বাণিজ্যৰ অন্তৱৰ্তীকালীন চুক্তিৰ কাঠামোৰ ওপৰত সহমত প্ৰকাশ কৰিছিল। এই কাঠামোৱে ভাৰত-আমেৰিকাৰ দ্বিপাক্ষিক বাণিজ্যিক এক ব্যাপক চুক্তিৰ আলোচনাৰ বাবে দুয়োখন দেশৰ দায়বদ্ধতাক পুনৰ দৃঢ় কৰিলে।
মন্ত্ৰালয়ৰ মতে, এই প্ৰেক্ষাপটত ভাৰতীয় পক্ষই ২০ এপ্ৰিলৰ পৰা ২৩ এপ্ৰিললৈ ৱাশ্বিংটন ডি চি ভ্ৰমণ কৰি আমেৰিকাৰ সমকক্ষৰ সৈতে মুখামুখি বৈঠকত মিলিত হয়।
হিন্দুস্থান সমাচাৰ / মনোজ কুমাৰ শইকীয়া
