পেৰিছ, ২৫ মে’ (হি.স.): দেওবাৰে নিশা ফ্ৰেন্সৰ অ’পেন ২০২৬ৰ প্ৰথম ৰাউণ্ডত ফ্ৰান্সৰ জিওভানি ম্পেটছি-পেৰিকাৰ্ডক ৫-৭, ৭-৫, ৬-১, ৬-৪ ব্যৱধানত পৰাস্ত কৰি অভিলেখ সৃষ্টিকাৰী ২৫ সংখ্যক গ্ৰেণ্ড শ্লেম খিতাপ দখলৰ বাবে ছাৰ্বিয়াৰ টেনিছ কিংবদন্তি ন’ভাক জ’কভিচে এক সুন্দৰ আৰম্ভণি কৰে।
এই জয়ৰ লগে লগে ন’ভাক জ’কভিচে ছুইজাৰলেণ্ডৰ ৰজাৰ ফেডাৰেৰৰ অভিলেখ অতিক্ৰম কৰি সৰ্বাধিক গ্ৰেণ্ড শ্লেমৰ একক খিতাপ (৮২) খিতাপ দখল কৰা খেলুৱৈ হিচাপে পৰিগণিত হয়। অৱশ্যে ৰ’লেণ্ড গাৰোছত খেলখনৰ আৰম্ভণিতে জ’কভিচে নিজৰ শ্ৰেষ্ঠতম অৱস্থাত থকা যেন দেখা নগ’ল।
ফ্ৰান্সৰ খেলুৱৈ জিওভানি এমপেটছি-পেৰিকাৰ্ডে প্ৰথম ছেটত উজ্জ্বল খেল প্ৰদৰ্শন কৰি ৬-৫ গ’লত অগ্ৰগতি লাভ কৰে আৰু তাৰ পিছত শক্তিশালী এছেৰে ছেটটো ছীল কৰে। ইয়াৰ লগে লগে তেওঁ ১৭ বছৰৰ ভিতৰত ফ্ৰেন্স অ’পেনৰ প্ৰথম ৰাউণ্ডত জ’কভিচৰ বিৰুদ্ধে এটা ছেট জয় কৰা প্ৰথমজন খেলুৱৈ হিচাপে পৰিগণিত হয়।
মেচৰ পিছত জ’কভিচে কয়, জিওভানিক অভিনন্দন। তেওঁৰ বিৰুদ্ধে খেলাটো মোৰ প্ৰথমবাৰৰ বাবে আছিল, আৰু তেওঁৰ চাৰ্ভ পঢ়িবলৈ অবিশ্বাস্যভাৱে কঠিন আছিল। মোৰ কেৰিয়াৰত এনে চাৰ্ভ দিয়া খেলুৱৈ অতি কমেইহে দেখিছো।
দ্বিতীয় ছেটত তৃতীয় ছিড জ’কভিচে পুনৰ গুৰুত্বপূৰ্ণ সুযোগ গ্ৰহণ কৰি মেচখন সমতা স্থাপন কৰে। ইয়াৰ পিছত অভিজ্ঞ ছাৰ্বিয়ানগৰাকীয়ে নিজৰ আক্ৰমণাত্মক খেল প্ৰদৰ্শন কৰি সহজেই তৃতীয় ছেটত জয়লাভ কৰে।
চতুৰ্থ ছেটত হাতৰ গাঁঠি আৰু হাতৰ অস্বস্তিৰ বাবে চিকিৎসা ল’বলগীয়া হৈছিল জিওভানি ম্পেটছি পেৰিকাৰ্ডে। যদিও তেওঁ সংগ্ৰাম অব্যাহত ৰাখিছিল, তথাপিও ড’কভিচে মেচখন নিয়ন্ত্ৰণ কৰি ৪-৩ ব্যৱধানত অগ্ৰগতি লাভ কৰি একেৰাহে ২২ সংখ্যক ফ্ৰেঞ্চ অ’পেনৰ প্ৰথম ৰাউণ্ডত জয়লাভ কৰে।
জয়ৰ পিছত ন’ভাক জ’কভিচে ৰাইজক সম্ভাষণ জনাই কয়, ইয়াৰ পৰিৱেশ আছিল কল্পনাতীত। ভিৰৰ পৰা মই বহুত শক্তি পাইছিলোঁ।
হিন্দুস্থান সমাচাৰ / অৰৱিন্দ
