গুৱাহাটী, ২৫ মে (হি.স.)। ক্ষেত্ৰীত সংঘটিত হৈছে এক চাঞ্চল্যকৰ চুৰিকাণ্ড। সলনাত চোৰে তহিলং কৰিলে মিথুন মজুমদাৰৰ বাসগৃহ। পৰিয়ালটো প্ৰায় এসপ্তাহ ধৰি আত্মীয়ৰ ঘৰলৈ যোৱাৰ সুযোগ লৈ চোৰে আলমিৰা ভাঙি লুটি নিয়ে নগদ ১ লাখ ২০ হাজাৰ টকাৰ লগতে কেইবা লাখ টকাৰ সোণৰ আ-অলংকাৰ।

ঘৰলৈ উভতি আহি পৰিয়ালটোৱে ঘৰৰ ভিতৰৰ সকলো সা-সামগ্ৰী লণ্ড-ভণ্ড অৱস্থাত প্ৰত্যক্ষ কৰে। উক্ত ঘটনাই অঞ্চলটোত তীব্ৰ চাঞ্চল্য আৰু আতংকৰ সৃষ্টি কৰিছে।

ইতিমধ্যে স্থানীয় আৰক্ষীক ঘটনাৰ বিষয়ে অৱগত কৰা হৈছে আৰু আৰক্ষীয়ে তদন্ত আৰম্ভ কৰিছে।

হিন্দুস্থান সমাচাৰ / প্ৰকাশ ডেকা