বৰপেটা, ২৫ মে (হি.স.)।

অবৈধ মদ, জুৱাৰ লগতে কোনো অসামাজিক কাম কাজ নচলিব |

আৰক্ষী, চক্ৰবিষয়াকে ধৰি চৰকাৰী বিষয়া কৰ্মচাৰীয়ে এৰিব লাগিব বদ অভ্যাস |

থানালৈ অহা মানুহক হাৰাশাস্তি কৰা নচলিব |

অন্যথা ঘোচখোৰ বিষয়া কৰ্মচাৰীক সদনৰ মজিয়ালৈ টানি লৈ যোৱাৰ সকিয়নি অসম বিধানসভাৰ নৱ নিযুক্ত অধ্যক্ষ তথা ভৱানীপুৰ সৰভোগ সমষ্টিৰ বিধায়ক ৰণজিৎ কুমাৰ দাসৰ | ৰণজিৎ কুমাৰ দাস

অকল অবৈধ মদ জুৱাই নহয়,

আৰক্ষী, চক্ৰবিষয়াকে ধৰি চৰকাৰী বিষয়া কৰ্মচাৰীক বদ অভ্যাস পৰিত্যাগ কৰিবলৈ আৰু ৰাইজক হাৰাশাস্তি নকৰিবলৈকো আহ্বান বিধানসভাৰ অধ্যক্ষ গৰাকীৰ |

অন্যথা বিধানসভাৰ মজিয়ালৈ নি ব্যৱস্থা গ্ৰহনৰ হুংকাৰ অধ্যক্ষ গৰাকীৰ |

সৰভোগ, বৰপেটা ৰোড

আদিত আয়োজিত ৰাজহুৱা সম্বৰ্ধনা গ্ৰহন কৰি আৰক্ষী, চৰকাৰী বিষয়া আৰু অসামাজিক লোকসকললৈ সকিয়নি অসম বিধানসভাৰ নৱ নিৰ্বাচিত অধ্যক্ষ তথা ভৱানীপুৰ-সৰভোগ বিধানসভা সমষ্টিৰ নৱ নিৰ্বাচিত বিধায়ক ৰণজিৎ কুমাৰ দাসৰ |

সৰভোগ আৰু বৰপেটা ৰোডত দল-সংগঠন, ধৰ্মীয় অনুষ্ঠান, বিদ্যালয়-মহাবিদ্যালয়, অনুষ্ঠান-প্ৰতিষ্ঠানে জনোৱা ৰাজহুৱা সম্বৰ্ধনা অনুস্থানত অংশ লৈ ৰণজিৎ কুমাৰ দাসে চুলাই মদকে ধৰি জুৱাই সমাজ খনক ধ্বংসৰ মুখলৈ ঠেলি নিয়া বুলি ব্যক্ত কৰে ।

সমাজ নিৰ্মাণ কৰিব নোৱাৰিলে বাট পথ নিৰ্মাণ কৰি সমাজৰ উন্নয়ন সাধন কৰা নহয় বুলিও মন্তব্য ৰণজিৎ কুমাৰ দাসৰ |

আনহাতে ভৱানীপুৰ সৰভোগ সমষ্টিৰ উন্নয়নৰ বাবে অধ্যক্ষ ৰণজিৎ কুমাৰ দাসে প্ৰতিখন পঞ্চায়ততে একোগৰাকী ''বিধায়ক প্ৰতিনিধি'' নিয়োগ কৰাৰ কথাও ঘোষণা কৰে ৰণজিৎ কুমাৰ দাসে |

সমষ্টিৰ প্ৰতিখন গাওৰ, প্ৰতিটো পৰিয়াল, প্ৰতিজন লোকৰ সমস্যা যাতে তেও জানিব পাৰে তাৰবাবে প্ৰতিখন গাঁও পঞ্চায়তত একোজন বিধায়ক প্ৰতিনিধি নিয়োগ কৰিব |

এই প্ৰতিনিধি সকলৰ জৰিয়তে ৰাইজে নিজৰ নিজৰ অভাৱ অভিযোগ আৰু সমস্যা সমুহ তেওঁক অবগত কৰিব পাৰিব আৰু সেইসমুহ সমাধানৰ প্ৰচেষ্টা চলাব বুলিও ৰাজহুৱাভাৱে ঘোষণা কৰে ৰণজিৎ কুমাৰ দাসে |

অসম বিধানসভাৰ অধ্যক্ষ গৰাকীৰ দূৰ্নীতিৰ বিৰুদ্ধে এনে শূণ্য সহনশীল নীতিক আদৰণি সমাজৰ সৰ্বস্তৰৰ লোকৰ |

আনকি সৰভোগৰ প্ৰাক্তন বিধায়ক মনোৰঞ্জন তালুকদাৰে সংবাদমেলযোগে

ৰণজিৎ কুমাৰ দাসৰ এনে পদক্ষেপক আদৰণি চিপিআইএমৰ প্ৰাক্তন বিধায়ক জনৰ |

হিন্দুস্থান সমাচাৰ / প্ৰকাশ ডেকা