নতুন দিল্লী, ২১ মে’ (হি.স.)। ইব’লা ভাইৰাছ সন্দৰ্ভত কেন্দ্ৰীয় চৰকাৰে বিমানবন্দৰৰ বাবে বিশেষ পৰামৰ্শ জাৰি কৰিছে। ইয়াত উল্লেখ কৰা হৈছে যে আক্ৰান্ত দেশৰ পৰা অহা যাত্ৰীসকলে ইব’লা সম্পৰ্কীয় লক্ষণ দেখা দিলে তাৎক্ষণিক ব্যৱস্থা গ্ৰহণ কৰিব লাগে।
কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ৰ অধীনস্থ স্বাস্থ্য সেৱা সঞ্চালকালয়ে বৃহস্পতিবাৰে ইন্দিৰা গান্ধী আন্তঃৰাষ্ট্ৰীয় বিমানবন্দৰৰ বাবে এক পৰামৰ্শ জাৰি কৰি কংগো, উগাণ্ডা, দক্ষিণ চুডানৰ দৰে উচ্চ বিপদজনক দেশৰ পৰা অহা বা ট্ৰেনজিট কৰা যাত্ৰীসকলক বিশেষ সাৱধানতা অৱলম্বন কৰিবলৈ স্পষ্টভাৱে পৰামৰ্শ দিয়ে।
ডিজিএইচএছৰ পৰামৰ্শত কোৱা হৈছে যে যদি কোনো যাত্ৰীয়ে জ্বৰ, দুৰ্বলতা বা ভাগৰুৱা, মূৰৰ বিষ, পেশীৰ বিষ, বমি, ডায়েৰিয়া, বা অস্পষ্টভাৱে ৰক্তক্ষৰণ আদি লক্ষণ অনুভৱ কৰে, তেন্তে তেওঁলোকে তৎক্ষণাত বিমানবন্দৰৰ স্বাস্থ্য বিষয়া বা স্বাস্থ্য ডেস্কক ৰিপৰ্ট দিব লাগে, আৰু এই ৰিপৰ্ট ইমিগ্ৰেচন ক্লিয়াৰেন্সৰ পূৰ্বে কৰিব লাগিব।
ইব’লা ৰোগীৰ তেজ বা শৰীৰৰ তৰল পদাৰ্থৰ সৈতে প্ৰত্যক্ষ সংস্পৰ্শলৈ অহা ভ্ৰমণকাৰীসকলে তৎক্ষণাত স্বাস্থ্য কৰ্তৃপক্ষক অৱগত কৰিব লাগে বুলিও পৰামৰ্শত উল্লেখ কৰা হৈছে। এনে যাত্ৰীসকলেও অহাৰ ২১ দিন পিছত স্ব-নিৰীক্ষণ কৰি কোনো ধৰণৰ লক্ষণ দেখা দিলে তৎক্ষণাত চিকিৎসকৰ কাষ চাপিব লাগে।
হিন্দুস্থান সমাচাৰ / মনোজ কুমাৰ শইকীয়া
