নতুন দিল্লী, ২০ মে’ (হি.স.)। বিশ্বৰ ২ নং টেনিছ খেলুৱৈ স্পেইনৰ কাৰ্লোছ আলকাৰাজে আগন্তুক উইম্বলডন ২০২৬ৰ পৰা আঁতৰি যোৱাৰ সিদ্ধান্ত লৈছে । আলকাৰাজে কয় যে তেওঁ হাতৰ গাঁঠিৰ আঘাতৰ পৰা সম্পূৰ্ণৰূপে সুস্থ হোৱা নাই, যাৰ ফলত তেওঁ গ্ৰাছ ক’ৰ্টৰ ছিজনত অংশগ্ৰহণ কৰিব নোৱাৰিব।

মঙলবাৰে ছ’চিয়েল মিডিয়া প্লেটফৰ্ম ইনষ্টাগ্ৰামত আলকাৰাজে লিখিছে, মোৰ আৰোগ্য ভাল হৈ আছে আৰু মোৰ মনটো ভাল হৈছে, কিন্তু দুৰ্ভাগ্যজনকভাৱে, মই এতিয়াও খেলিবলৈ সম্পূৰ্ণৰূপে সাজু হোৱা নাই। সেয়েহে মই কুইন্স আৰু উইম্বলডনৰ পৰা আঁতৰি আহিবলগীয়া হৈছে। এই দুখন প্ৰতিযোগিতা মোৰ বাবে অতি বিশেষ, আৰু মই ইয়াক বহুত মিছ কৰিম। আমি অতি সোনকালে ঘূৰি আহিবলৈ অক্লান্তভাৱে কাম কৰি আছো।

ইয়াৰ পূৰ্বে ২৩ বছৰীয়া আলকাৰাজে ফ্ৰেন্স অ’পেন ২০২৬ৰ পৰা আঁতৰি আহিছিল, য’ত তেওঁ ডিফেণ্ডিং চেম্পিয়ন আছিল। যোৱা মাহত বাৰ্চিলোনা অ’পেনৰ প্ৰথম ৰাউণ্ডৰ খেলৰ সময়ত তেওঁৰ হাতৰ কব্জিত আঘাত পাইছিল। সেই মেচত তেওঁ অট্টো ভিৰটানেনক পৰাস্ত কৰিছিল যদিও পিছত প্ৰতিযোগিতাখনৰ পৰা আঁতৰি আহিছিল।

চলিত বৰ্ষৰ জানুৱাৰী মাহত অষ্ট্ৰেলিয়ান অ’পেনত জয়লাভ কৰি আলকাৰাজে কেৰিয়াৰ গ্ৰেণ্ড শ্লেম সম্পূৰ্ণ কৰা আটাইতকৈ কম বয়সীয়া পুৰুষ খেলুৱৈ হিচাপে পৰিগণিত হয়। এই ছিজনত তেওঁৰ ২২-৩ৰ অভিলেখ আছে আৰু দোহাতো খিতাপ দখল কৰে।

মণ্টে কাৰ্লো মাষ্টাৰছৰ ফাইনেলত ইয়ানিক ছিনাৰৰ হাতত পৰাস্ত হোৱাৰ পিছতো আলকাৰাজে বিশ্বৰ ১ নং ৰেংকিং হেৰুৱায়।

হিন্দুস্থান সমাচাৰ / মনোজ কুমাৰ শইকীয়া