ভূপাল, ২০ মে’(হি.স.)। ভাৰতীয় ১৮ বছৰ অনুৰ্ধ মহিলা হকী দলে বুধবাৰে ভূপালৰ উধৱ দাস মেহতা (ভাইজী) চেণ্ট্ৰেল এছ এ আই চেণ্টাৰত অনুষ্ঠিত চাৰিখন খেলৰ শৃংখলাৰ অন্তিমখন খেলত অষ্ট্ৰেলিয়াৰ ১৮ বছৰ অনুৰ্ধ মহিলা হকী দলক ৪-১ গ’লত পৰাস্ত কৰি এক গুঞ্জৰিত জয় পঞ্জীয়ন কৰে।

খেলখনৰ আৰম্ভণিতে অষ্ট্ৰেলিয়াই আক্ৰমণাত্মক খেল খেলিছিল, প্ৰথম কোৱাৰ্টাৰৰ ৮ মিনিটত অৰোৰা কোভাচেভিচে এটা গ’ল দি দলটোক ১-০ গ’লত আগুৱাই লৈ যায়। অৱশ্যে ভাৰতীয় দলটোৱে ক্ষন্তেকতে পুনৰ প্ৰত্যাৱৰ্তন ঘটায়, ১৩ মিনিটত অধিনায়ক ছুইটি কুজুৰে এটা গ’ল দি ১-১ গ’লত সমতা স্থাপন কৰে।

দ্বিতীয় কোৱাৰ্টাৰত ভাৰতে নিজৰ আধিপত্য বজাই ৰাখিছিল। ২৫ মিনিটত দিয়াই এক উজ্জ্বল গ’ল দি ভাৰতক ২-১ গ’লত অগ্ৰগতি প্ৰদান কৰে, যিটো হাফটাইমলৈকে চলিল।

দ্বিতীয়াৰ্ধতো ভাৰতীয় খেলুৱৈসকলে খেলখনৰ সম্পূৰ্ণ নিয়ন্ত্ৰণ বজাই ৰাখিছিল। তৃতীয় কোৱাৰ্টাৰৰ ৪৪ মিনিটত প্ৰিয়ংকা মিঞ্জে গ’ল দি ভাৰতৰ অগ্ৰগতি ৩-১লৈ বৃদ্ধি কৰে। ইয়াৰ পাছতে অন্তিম কোৱাৰ্টাৰৰ ৫০ মিনিটত নৌশীন নাজে গ’ল দি ভাৰতক ৪-১ গ’লত আকৰ্ষণীয় জয় নিশ্চিত কৰে।

এই জয়েৰে ভাৰতীয় দলটোৱে উচ্চ নোটত নিজৰ এক্সপ’জাৰ ছিৰিজৰ সামৰণি মাৰে। চলিত মাহৰ শেষৰ ফালে জাপানত আৰম্ভ হ’বলগীয়া ১৮ বছৰ অনুৰ্ধ এছিয়া কাপৰ প্ৰস্তুতিৰ বাবে এই ভ্ৰমণ অতি গুৰুত্বপূৰ্ণ বুলি বিবেচিত হৈছে।

অৱশ্যে চাৰিখন মেচৰ এক্সপ’জাৰ ছিৰিজত অষ্ট্ৰেলিয়াই ৩-১ গ’লত জয়লাভ কৰে।

হিন্দুস্থান সমাচাৰ / মনোজ কুমাৰ শইকীয়া