নতুন দিল্লী, ২০ মে’ (হি.স.)। কংগ্ৰেছ দলে আজি কেন্দ্ৰীয় চৰকাৰৰ গ্ৰেট নিকোবাৰ দ্বীপ প্ৰকল্পক লৈ পৰিৱেশ সম্পৰ্কীয় উদ্বেগ উত্থাপন কৰাসকলক চীন সমৰ্থক বুলি লেবেল লগাই বিষয়টো বিচ্যুত কৰাৰ চেষ্টা কৰাৰ অভিযোগ উত্থাপন কৰে।
দলটোৰ যোগাযোগৰ দায়িত্বত থকা সাধাৰণ সম্পাদক জয়ৰাম ৰমেশে ছ’চিয়েল মিডিয়া প্লেটফৰ্ম এক্সত পোষ্ট কৰি কয় যে চৰকাৰৰ এই পন্থা বিৰোধীক বদনাম কৰাৰ সমান। ২০২০ চনৰ লাডাখত সংঘটিত ঘটনাৰ পিছতে চৰকাৰৰ স্থিতিক লৈ কেইবাটাও উদ্বেগ উত্থাপন হৈছিল। ভাৰত আৰু চীনৰ মাজত হোৱা আলোচনাৰ সময়ত কিছুমান ক্ষেত্ৰত পৰম্পৰাগত টহল আৰু অধিকাৰৰ সৈতে জড়িত বিধানসমূহ সংশোধন কৰা হৈছে। তেওঁ বাণিজ্য ঘাটি আৰু কৌশলগত দিশৰ কথাও উল্লেখ কৰে।
তেওঁ কয় যে ভাৰতে চীনৰ অৰ্থনৈতিক আৰু কৌশলগত প্ৰত্যাহ্বানসমূহ মোকাবিলা কৰিব লাগিব, কিন্তু গ্ৰেট নিকোবাৰ প্ৰকল্প মূলতঃ এটা বাণিজ্যিক প্ৰকল্প। প্ৰস্তাৱিত ট্ৰেন্সশ্বিপমেণ্ট বন্দৰটোৰ কোনো সামৰিক সংযোগ নাই।
জয়ৰাম ৰমেশে দাবী কৰে যে আন্দামান আৰু নিকোবৰ কমাণ্ডৰ কিছুমান বিশেষ অঞ্চলত সামৰিক আন্তঃগাঁথনি সম্প্ৰসাৰণৰ সন্দৰ্ভত দিয়া পৰামৰ্শসমূহ দীৰ্ঘদিন ধৰি আওকাণ কৰা হৈছে।
তেওঁ অভিযোগ কৰে যে এই প্ৰকল্পৰ আঁৰত বৃহৎ কৰ্পৰেট স্বাৰ্থ থাকিব পাৰে, যাৰ ফলত পৰিৱেশ আৰু স্থানীয় জনসাধাৰণৰ ওপৰত গুৰুতৰ প্ৰভাৱ পৰাৰ সম্ভাৱনা আছে। এই প্ৰকল্পটোৱে পৰিৱেশ আৰু মানৱীয় গুৰুত্বপূৰ্ণ বিপদৰ সৃষ্টি কৰিব পাৰে।
হিন্দুস্থান সমাচাৰ / মনোজ কুমাৰ শইকীয়া
