শ্বাহদোল, ২০ মে’ (হি.স.)। ৰাষ্ট্ৰীয় স্বয়ংসেৱক সংঘৰ মুৰব্বী ডা০ মোহন ভাগৱত তিনিদিনীয়া প্ৰৱাসৰ বাবে আজি মধ্যপ্ৰদেশৰ শ্বাহদোলত উপস্থিত হৈছে । তেওঁৰ আগমনৰ বাবে জিলা প্ৰশাসনে বিশদ নিৰাপত্তাৰ ব্যৱস্থা কৰিছে।
আৰ এছ এছৰ মুৰব্বী ডা০ ভাগৱতৰ এয়া প্ৰথমবাৰৰ বাবে শ্বাহদোল ভ্ৰমণ। আজি ৰে’লযোগে কাটনীত উপস্থিত হৈ পথৰে শ্বাহদোললৈ উভতি আহিব। জিলাখনলৈ তেওঁৰ প্ৰথম ভ্ৰমণৰ বাবে জেড-প্লাছ নিৰাপত্তাৰ ব্যৱস্থা ৰূপায়ণ কৰা হৈছে, প্ৰায় ৩৫০ জন বিষয়া আৰু কৰ্মী নিয়োগ কৰা হৈছে। ইয়াৰ ভিতৰত আছে চিআইএছএফ, বিশেষ শাখা, জিলা আৰক্ষী, আৰু আশে-পাশে থকা জিলাৰ পৰা মাতি অনা নিৰাপত্তা বাহিনী।
সৰসংঘচালক ডা০ ভাগৱতৰ মূল অনুষ্ঠান হ’ব পাণ্ডৱ নগৰৰ সৰস্বতী বিদ্যালয় চৌহদত আয়োজন কৰা বৌদ্ধিক শিবিৰ। এই শিবিৰত ৩০০ৰো অধিক ছাত্ৰ-ছাত্ৰীয়ে অংশগ্ৰহণ কৰিব। তেওঁৰ থকাৰ সময়ছোৱাত তেওঁ কেইবাটাও বৌদ্ধিক আৰু সাংগঠনিক অধিবেশনত অংশগ্ৰহণ কৰিব।
তেওঁৰ আগমনৰ পৰিপ্ৰেক্ষিতত পাণ্ডৱ নগৰ অঞ্চলক বিশেষ নিৰাপত্তাৰক্ষীৰ আৱৰণত ৰখা হৈছে। বিদ্যালয় চৌহদত ২৪ ঘণ্টীয়া নিৰাপত্তা থাকিব, ৫০০ মিটাৰ ব্যাসাৰ্ধৰ ভিতৰত ড্ৰ’ন উৰণ কঠোৰভাৱে নিষিদ্ধ। প্ৰৱেশ কৰা প্ৰতিজন ব্যক্তিক ভালদৰে পৰীক্ষা কৰা হ’ব। চিচিটিভি চোৱাচিতা আৰু বহুস্তৰীয় নিৰাপত্তা ব্যৱস্থাও স্থাপন কৰা হৈছে।
শ্বাহদোলৰ আৰক্ষী অধীক্ষক ৰামজী শ্ৰীবাস্তৱে উল্লেখ কৰে যে কোনো ধৰণৰ নিৰাপত্তাৰ ক্ষেত্ৰত কোনো ধৰণৰ ভুল নহয় তাৰ বাবে বিশেষ সতৰ্কতা বজাই ৰখা হৈছে। সাংগঠনিক দৃষ্টিকোণৰ পৰা সৰসংঘচালকৰ এই ভ্ৰমণক অত্যন্ত গুৰুত্বপূৰ্ণ বুলি বিবেচিত হৈছে। তেওঁৰ আগমনক লৈ সমগ্ৰ জিলাৰ স্বেচ্ছাসেৱক আৰু সংঘৰ কৰ্মীসকল অত্যন্ত উৎসাহিত। আনহাতে ২২ মে’ৰ নিশা ডাঃ ভাগৱতে শ্বাহদোলৰ পৰা ৰাওনা হ’ব।
হিন্দুস্থান সমাচাৰ / মনোজ কুমাৰ শইকীয়া
