শোণিতপুৰ, ২০ মে (হি.স.)। মুখ্যমন্ত্ৰীৰ নিৰ্দেশৰ পিছতেই মূল্যবৃদ্ধি নিয়ন্ত্ৰণৰ বাবে বজাৰত দোকানে দোকানে ঘুৰিছে শোণিতপুৰ প্ৰশাসনৰ লোক৷

কালি ফলমুল, নিত্যব্যৱহাৰ্য্য সামগ্ৰী, আলু পিয়াজ, কণীৰ ব্যৱসায়িক প্ৰতিষ্ঠানৰ পিছত আজি খাদ্য আৰু অসামৰিক যোগান বিভাগ, মীন বিভাগ, জোখ মাখ বিভাগে যৌথ অভিযান চলালে তেজপুৰৰ মাছৰ পাইকাৰী আৰু খুচুৰা বজাৰত৷ পুৱাই চলোৱা অভিযানত চৰকাৰৰ নীতি নিৰ্দেশনা পালনৰ বাবে নিৰ্দেশ দিয়া হয়৷ মাছ বজাৰ সমুহত দৰৰ তাৰতম্য যাতে নহয় তাৰ বাবে ব্যৱসায়িক প্ৰতিষ্ঠানৰ সন্মুখত দৰৰ তালিকা লগোৱাৰ বাবে নিৰ্দেশনা দিয়া হয় আৰু মীন বিভাগে প্ৰতিদিনেই এয়া পৰ্যবেক্ষণ কৰিব৷

হিন্দুস্থান সমাচাৰ / প্ৰকাশ ডেকা