ভাৰতৰ ইতিহাসৰ এক গভীৰ কৰুণ আৰু নিৰ্ণায়ক পৰিঘটনাৰ বাবে ২১ মে’ক স্মৰণ কৰা হয়। ১৯৯১ চনৰ আজিৰ দিনটোতে প্ৰাক্তন প্ৰধানমন্ত্ৰী ৰাজীৱ গান্ধীৰ হত্যাকাণ্ডই সমগ্ৰ দেশক স্তম্ভিত কৰি তুলিছিল। এই ঘটনাক ভাৰতীয় ৰাজনীতিৰ অন্যতম বেদনাদায়ক অধ্যায় বুলি গণ্য কৰা হয়।
লোকসভা নিৰ্বাচনী প্ৰচাৰৰ সময়ত ৰাজীৱ গান্ধীয়ে তামিলনাডুৰ শ্ৰীপেৰুম্বুদুৰ ভ্ৰমণ কৰিছিল, য’ত তেওঁ নিৰ্বাচনী সভাত ভাষণ দিয়াৰ কথা আছিল। প্ৰচাৰৰ সময়ত তেওঁক সাক্ষাৎ কৰিবলৈ বহু সংখ্যক সমৰ্থক আৰু স্থানীয় লোক উপস্থিত থাকে। ইফালে এগৰাকী মহিলাই মালা লৈ তেওঁৰ ওচৰলৈ আহি শুভেচ্ছাৰ অভিনয় কৰি অতি ওচৰ চাপি আহিল। কিছু মুহূৰ্তৰ পিছতে এক বৃহৎ বিস্ফোৰণে সমগ্ৰ অঞ্চলটো জোকাৰি যায়।
পৰৱৰ্তী তদন্তত প্ৰকাশ পাইছে যে এই আক্ৰমণ আত্মঘাতী আক্ৰমণ আৰু লিবাৰেচন টাইগাৰছ অৱ তামিল ইলম (এলটিটিই)য়ে সংঘটিত কৰিছিল। সেই সময়ত ভাৰতে শ্ৰীলংকাত শান্তিৰক্ষী বাহিনী মোতায়েন কৰাত ক্ষুব্ধ হৈ পৰিছিল এই গোটটোৱে। ক্ৰমাৎ বৃদ্ধি পোৱা সংঘাতৰ সময়ত শান্তি বজাই ৰখাত সহায় কৰিবলৈ ভাৰতে শ্ৰীলংকালৈ সৈন্য প্ৰেৰণ কৰিছিল যদিও এই পদক্ষেপে তামিল উগ্ৰপন্থী সংগঠনটোৰ সৈতে সম্পৰ্ক তিক্ত কৰি তুলিছিল।
এই বিস্ফোৰণ ইমানেই শক্তিশালী আছিল যে ই অসংখ্য লোকক আঘাত কৰিছিল আৰু ফলত বহু সংখ্যক লোকৰ মৃত্যু হৈছিল। এই ঘটনাই ভাৰতৰ ৰাজনীতিক জোকাৰি যোৱাই নহয় দেশৰ নিৰাপত্তা ব্যৱস্থা আৰু ভিআইপি সুৰক্ষাক লৈও গুৰুতৰ প্ৰশ্নৰ উত্থাপন কৰিছিল।
ৰাজীৱ গান্ধীৰ মৃত্যুৰ পিছত সমগ্ৰ দেশতে শোকৰ ঢৌ বিয়পি পৰে। পিছলৈ তেওঁক মৰণোত্তৰভাৱে ভাৰতৰ সৰ্বোচ্চ অসামৰিক সন্মান ভাৰতৰত্ন সন্মানেৰে সন্মানিত কৰা হয়। ভাৰতীয় ৰাজনীতিৰ গতিপথ সলনি কৰা দিন হিচাপে ২১ মে’ আজিও স্মৰণ কৰা হয়।
গুৰুত্বপূৰ্ণ পৰিঘটনা
১৫০২ - পৰ্তুগালৰ জোয়াও দা নোভাই দক্ষিণ আটলাণ্টিক মহাসাগৰত চেণ্ট হেলেনা দ্বীপ আৱিষ্কাৰ কৰে।
১৮১৯ - আজিৰ দিনটোতে আমেৰিকাৰ নিউয়ৰ্ক চহৰৰ ৰাজপথত এই চাইকেলখন প্ৰথম দেখা যায়। ইয়াৰ নাম আছিল চুইফট ৱাকাৰ।
১৮৪০ - নিউজিলেণ্ডক ব্ৰিটিছ উপনিবেশ হিচাপে ঘোষণা কৰা হয়।
১৮৫১ - দক্ষিণ আমেৰিকাৰ কলম্বিয়াত দাসত্ব বিলুপ্ত কৰা হয়।
১৮৮১ - আমেৰিকান ৰেড ক্ৰছ প্ৰতিষ্ঠা হয়।
১৯০৪ - পেৰিছত ফুটবলৰ শাসকীয় সংস্থা আন্তৰ্জাতিক ফুটবল ফেডাৰেচন (FIFA) প্ৰতিষ্ঠা কৰা হয়।
১৯১৮ - আমেৰিকাৰ হাউছ অৱ ৰিপ্ৰেজেণ্টেটিভৰ দ্বাৰা মহিলাসকলক ভোটাধিকাৰ প্ৰদান কৰা হয়।
১৯২৭ - আমেৰিকাৰ পাইলট চাৰ্লছ লিণ্ডেবাৰ্গে নিউয়ৰ্কৰ পৰা পেৰিছলৈ এখন সৰু বিমানেৰে প্ৰথমবাৰৰ বাবে ননষ্টপ ট্ৰেন্সআটলাণ্টিক বিমান চলায়।
১৯৩৫ - কুৱেটা চহৰ (বৰ্তমান পাকিস্তানত) ভূমিকম্পৰ ফলত বিধ্বস্ত হয়। ৩০ হাজাৰৰো অধিক লোকৰ মৃত্যু।
১৯৬১ - দক্ষিণ আফ্ৰিকাৰ আলাবামাৰ মণ্টগোমেৰীত শ্বেত আৰু কৃষ্ণাংগ লোকৰ মাজত সংঘৰ্ষ হয়। বৰ্ণবৈষম্যৰ বিৰোধিতা কৰা ড° মাৰ্টিন লুথাৰ কিঙে অংশগ্ৰহণ কৰা এখন সমাৱেশৰ সময়ত শ্বেতাংগ মানুহে হুলস্থুলৰ সৃষ্টি কৰাৰ পৰাই সংঘাত আৰম্ভ হৈছিল।
১৯৮১ - পিয়েৰ ম’ৰ’ক ফ্ৰান্সৰ প্ৰধানমন্ত্ৰী হিচাপে নিযুক্তি দিয়া হয়।
১৯৯১ - তামিলনাডুৰ শ্ৰীপেৰুম্বুদুৰত আত্মঘাতী বোমা আক্ৰমণত ভাৰতৰ প্ৰাক্তন প্ৰধানমন্ত্ৰী ৰাজীৱ গান্ধীক হত্যা কৰা হয়।
১৯৯৪ - দক্ষিণ য়েমেনে উত্তৰ য়েমেনৰ পৰা স্বাধীনতা ঘোষণা কৰে।
১৯৯৪ - মেনিলাত অনুষ্ঠিত ৪৩ সংখ্যক মিছ ইউনিভাৰ্ছ প্ৰতিযোগিতাত সুস্মিতা সেনক মিছ ইউনিভাৰ্ছৰ মুকুট পিন্ধোৱা হয়।
১৯৯৬ - বিখ্যাত শীতল পানীয় কোম্পানী পেপচিয়ে প্ৰথমবাৰৰ বাবে মহাকাশ বিজ্ঞাপনৰ চিত্ৰগ্ৰহণৰ পৰিকল্পনা ঘোষণা কৰে।
১৯৯৮ - ইণ্ডোনেছিয়াত একেৰাহে ৩২ বছৰ শাসন কৰা ৰাষ্ট্ৰপতি ছুহাৰ্ট’ই পদত্যাগ কৰে।
২০০২ - বাংলাদেশৰ প্ৰাক্তন ৰাষ্ট্ৰপতি এইচ.এম. এৰশ্বাদক ছমাহৰ কাৰাদণ্ড বিহা হয়।
২০০৩ - জেনেভাত ১৯০ খনতকৈও অধিক দেশে ধঁপাত বিৰোধী আন্তৰ্জাতিক সন্ধি অনুমোদন কৰে।
২০০৮ - ভাৰতীয় ষ্টেট বেংকে তাৎক্ষণিকভাৱে কাৰ্যকৰী হোৱাকৈ কৃষি ঋণ নিষিদ্ধ কৰা চক্ৰান্তমূলক প্ৰত্যাহাৰ কৰে।
২০০৮ - ৰিজাৰ্ভ বেংকে চেঞ্চুৰিয়ান বেংক অৱ পঞ্জাৱৰ এইচডিএফচি বেংকৰ সৈতে একত্ৰীকৰণৰ প্ৰস্তাৱত অনুমোদন জনায়।
২০০৮ - হায়দৰাবাদত ৰাষ্ট্ৰসংঘৰ প্ৰকল্পৰ অংশ হিচাপে ১৫খন দেশৰ বায়ুসেনাৰ ৯০ জন বিষয়াক লৈ যৌথ টেবুল অনুশীলন আৰম্ভ হয়।
২০০৮ - নোবেল বঁটা বিজয়ী পদাৰ্থবিজ্ঞানী উইলিছ ই লেংকেৰ মৃত্যু হয়।
২০০৮ - মালয়েছিয়াৰ প্ৰাক্তন প্ৰধানমন্ত্ৰী মহাথিৰ মহম্মদৰ পুত্ৰ ডাটুক মোখজানী মহাথিৰে শাসকীয় ইউএমএনও দলৰ পৰা পদত্যাগ কৰে।
২০১০ - ভাৰতীয় নৌসেনাই উৰিষ্যাৰ উপকূলৰ বংগ উপসাগৰত ভাৰতীয় নৌসেনাৰ যুদ্ধজাহাজ ৰণবীৰৰ পৰা ছুপাৰছনিক ব্ৰহমছ ক্ৰুজ মিছাইলৰ উলম্ব প্ৰক্ষেপণ সংস্কৰণ সফলতাৰে পৰীক্ষা কৰে।
২০১০ - দাৰ্জিলিঙত অল ইণ্ডিয়া গোৰ্খা লীগৰ সভাপতি মদন তামাং [৫৬]ক হত্যা কৰা হয়।
জন্ম
১৮৫৭ - আজিৰ দিনটোতে ছাৰ সুন্দৰ লাল - প্ৰখ্যাত আইনবিদ আৰু জনকৰ্মী।
১৯৩০ - মেলকম ফ্ৰেজাৰ - অষ্ট্ৰেলিয়াৰ প্ৰাক্তন প্ৰধানমন্ত্ৰী।
১৯৩১ - শৰদ যোশী - ভাৰতৰ বিখ্যাত ব্যংগকাৰ।
১৯৪০ - নৰেশ ভাৰতীয় - ভাৰতীয় মূলৰ হিন্দী সাহিত্যিক যি ব্ৰিটেইনৰ।
মৃত্যু
১৯৬০ - আজিৰ দিনটোত গামা পেহলৱান - বিশ্বৰ একমাত্ৰ মল্লযুঁজাৰু যিয়ে জীৱনত কেতিয়াও কোনো মল্লযুঁজত পৰাস্ত হোৱা নাছিল।
১৯৭৯ - আজিৰ দিনটোতে জানকী দেৱী বাজাজ - গান্ধীবাদী জীৱনশৈলীৰ এগৰাকী অটল সমৰ্থক।
১৯৯১ - ৰাজীৱ গান্ধী - ভাৰতৰ প্ৰথম মহিলা প্ৰধানমন্ত্ৰী ইন্দিৰা গান্ধীৰ পুত্ৰ, তেওঁ ভাৰতৰ কংগ্ৰেছ (আই) পাৰ্টিৰ আগশাৰীৰ সাধাৰণ সম্পাদক (১৯৮১ চনৰ পৰা), আৰু মাতৃ হত্যাৰ পিছত, ভাৰতৰ প্ৰধানমন্ত্ৰী হয় (১৯৮৪-১৯৮৯)।
২০২১ - সুন্দৰলাল বহুগুণ - প্ৰখ্যাত পৰিৱেশবিদ আৰু চিপকো আন্দোলনৰ এজন বিশিষ্ট নেতা।
গুৰুত্বপূৰ্ণ অনুষ্ঠান
-সন্ত্ৰাসবাদ বিৰোধী/শ্বহীদ দিৱস (ৰাজীৱ গান্ধীৰ মৃত্যু বাৰ্ষিকী)।
-আন্তঃৰাষ্ট্ৰীয় চাহ দিৱস।
হিন্দুস্থান সমাচাৰ / মনোজ কুমাৰ শইকীয়া
