বিশ্বনাথ, ২০ মে (হি.স.)। গহপুৰ ৰাঙলীয়ালৰ চুচেন দাস নামৰ যুৱকজন যোৱা দেওবাৰৰ পৰা নিৰুদ্দেশ হৈ আছে বৰ্হিৰাজ্যত । ঘৰৰ পৰা কৰ্মৰ সন্ধানত অকলেই ওলাই গৈছিল অন্ধ্ৰপ্ৰদেশলৈ ।

অন্ধ্ৰপ্ৰদেশৰ বিজয় নগৰ নামৰ ঠাইখনৰ পৰা দেওবাৰে চুচেন দাসৰ পত্নীলৈ আন কোনো ব্যক্তিৰ ম'বাইলৰ পৰা চুচেনে ফ'ন কৰি জনাইছিল যে তেওঁৰ ম'বাইলত চাৰ্জ নাই । সেয়ে বেলগৰ ম'বাইলৰ পৰা ফ'ন কৰিছো । সেয়ে শেষ ফ'ন কল আছিল চুচেনৰ । তাৰ পাছৰ পৰাই আজিলৈকে যোগাযোগ নাই চুচেন দাসৰ। ২৬ বছৰীয়া চুচেন দাসৰ নিৰুদ্দেশে এতিয়া চিন্তিত কৰি তুলিছে পৰিয়ালৰ লোকক । সহায় বিচাৰিছে আৰক্ষীৰ।

হিন্দুস্থান সমাচাৰ / কিশোৰ মিশ্ৰ