মাৰাঠা সাম্ৰাজ্যৰ প্ৰতিষ্ঠাপক ছত্ৰপতি শিৱাজী মহাৰাজৰ বীৰ কাহিনীৰ আধাৰত নিৰ্মিত ৰাজা শিৱাজী ছবিখনে বক্স অফিচত শক্তিশালী আৰম্ভণি কৰিছে। ৰিতেশ দেশমুখৰ পৰিচালনা আৰু অভিনীত ছবিখনে মুক্তিৰ প্ৰথম দিনাই ₹১১.৩৫ কোটি টকা উপাৰ্জন কৰি পূৰ্বৰ কেইবাটাও অভিলেখ ভংগ কৰে। ৬,১৯২টা শ্ব’ৰে মুক্তি পোৱা ছবিখনে মাৰাঠী আৰু হিন্দী দৰ্শকৰ পৰা প্ৰচণ্ড সঁহাৰি লাভ কৰে, হিন্দী সংস্কৰণে ₹৩.৩৫ কোটি টকাৰ বৰঙণি আগবঢ়ায়।
ৰাজা শিৱাজীয়ে মাৰাঠী চিনেমাত ইতিহাসৰ সৃষ্টি কৰিছে, ৰিতেশ দেশমুখৰ পূৰ্বৰ ছবিৰ অভিলেখ অতিক্ৰম কৰিছে। তেওঁৰ জনপ্ৰিয় ছবি লয় ভাৰী আৰু মৌলি প্ৰায় ₹৩ কোটি টকাৰে মুকলি হোৱাৰ বিপৰীতে ৰাজা শিৱাজীয়ে মাৰাঠী সংস্কৰণৰ সংগ্ৰহক প্ৰায় ₹৮ কোটি টকাৰে অতিক্ৰম কৰে। আঞ্চলিক চিনেমাৰ সীমা অতিক্ৰম কৰি সৰ্বভাৰতীয় পেন ইণ্ডিয়া স্তৰত ছবিখনে মুক্তি লাভ কৰিছে।
ছবিখনত ছলমান খান, অভিষেক বচ্চন, আৰু সঞ্জয় দত্তৰ উপস্থিতিয়ে দৰ্শকৰ উতসাহ আৰু অধিক বৃদ্ধি কৰিছে। বিশেষকৈ ছলমান খানৰ কেমিঅ’ক যথেষ্ট প্ৰশংসা কৰা হৈছে। ইফালে, একেদিনাই মুক্তি পোৱা জুনাইদ খানৰ ছবি এক দিনয়ে বক্স অফিচত কম প্ৰদৰ্শন কৰি প্ৰথম দিনাই মাত্ৰ ৮১ লাখ ₹ উপাৰ্জন কৰি স্তিমিত হৈছে । আনহাতে ৰাজা শিৱাজীৰ শক্তিশালী দখল স্পষ্টভাৱে প্ৰদৰ্শন কৰে।
हिन्दुस्थान समाचार / অৰৱিন্দ
