নগাঁও, ০২ মে’ (হি.স.): নগাঁও জিলাৰ কলিয়াবৰ ৰাজহ চক্ৰৰ অন্তৰ্গত বুঢ়াপাহাৰ চাহ বাগিচাত যোৱা কালি শুকুৰবাৰে বিয়লি এক অঘটন সংঘটিত হয় । বনৰীয়া হাতীৰ গচকত প্ৰাণ হেৰুৱালে এজন যুৱকে ।

বনৰীয়া হাতীৰ গচকত মৃত্যু হোৱা যুৱকজনৰ পৰিচয় নৰেন গুৱলা (বয়স ৩৫ বছৰ)বুলি জানিব পৰা গৈছে । বুঢ়াপাহাৰ চাহ বাগিচাৰ কলঘৰৰ কিছু নিলগত সংঘটিত হয় কৰুণ দুৰ্ঘটনাটো। জানিব পৰামতে, পত্নী সহ জুৰিত মাছ ধৰিবলৈ গৈছিল দুয়ো ।

মাছ ধৰিবলৈ গৈ যুৱকজন শৌচ কৰিবলৈ আঁতৰি গৈছিল । তেনেতে বনৰীয়া হাতীৰ গচকত মৃত্যু হয় নৰেন গুৱলা নামৰ যুৱকজনৰ । পিছত স্থানীয় লোকৰ সহায়ত বন বিভাগৰ লোকে মৃত যুৱকজনক উদ্ধাৰ কৰি মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে ।

হিন্দুস্থান সমাচাৰ / কিশোৰ মিশ্ৰ