প্ৰখ্যাত ষ্টেণ্ড আপ কমেডিয়ান মুনাৱাৰ ফাৰুকিৰ দুৱাৰমুখত আকৌ এবাৰ আনন্দৰ ডোল খাইছে। মুনাৱাৰ আৰু তেওঁৰ পত্নী মহজবীন কোটৱালা এগৰাকী মৰমলগা কন্যা সন্তানৰ পিতৃ-মাতৃ হৈ পৰিছে । তেওঁলোকৰ বিবাহৰ প্ৰায় দুবছৰৰ পাছত অহা এই আনন্দৰ খবৰটোৱে তেওঁলোকৰ অনুৰাগীৰ মাজত উদযাপনৰ সূচনা কৰিছে। ছ’চিয়েল মিডিয়াত লাভ কৰিছে এক অবিৰত অভিনন্দন ধাৰা ।
এই বিশেষ মুহূৰ্তটো ছ’চিয়েল মিডিয়াৰ জৰিয়তে অনুৰাগীৰ সৈতে শ্বেয়াৰ কৰে মুনাৱৰে । তেওঁ চিকিৎসালয়ৰ পৰা পত্নী আৰু নৱজাত কন্যাৰ কিছু ফটো পোষ্ট কৰে । অৱশ্যে গোপনীয়তা বজাই ৰাখি তেওঁ কনমানিৰ মুখখন সম্পূৰ্ণৰূপে প্ৰকাশ কৰা নাছিল । ফটোবোৰৰ লগতে তেওঁ লিখিছে, ধন্য ইয়াত আছে। ফটোবোৰত মুনাৱাৰৰ আনন্দ স্পষ্টকৈ দেখা গৈছে।
মুনাৱাৰ আৰু মহজবিনে এই মাহত দ্বিতীয় বিবাহ বাৰ্ষিকী উদযাপন কৰিবলৈ ওলাইছে। পিতৃ হোৱাৰ আনন্দই তেওঁৰ বাবে এই অনুষ্ঠানটোক আৰু অধিক বিশেষ কৰি তুলিছে। বৰুণ ধাৱন, গৌহৰ খান, আলী গনি, ৰণবীৰ আল্লাবাদিয়াকে ধৰি বহু তাৰকাই তেওঁক অভিনন্দন জনাইছে।
মন কৰিবলগীয়া যে ২০২৪ চনত মুনাৱাৰ আৰু মহজাবিনে গোপনে বিবাহপাশত আবদ্ধ হৈ নিজৰ ব্যক্তিগত জীৱনক লাইমলাইটৰ পৰা আঁতৰাই ৰাখিছে। মুনাৱাৰৰ প্ৰথম বিবাহৰ পৰা এটি পুত্ৰ সন্তান আছে।
हिन्दुस्थान समाचार / মনোজ কুমাৰ শইকীয়া
