কাঠমাণ্ডু, ০২ মে’ (হি.স.)। ভাৰতৰ বৈদেশিক সচিবৰ নেপাল ভ্ৰমণ চূড়ান্ত হৈছে। নেপালৰ বৈদেশিক সচিব অমৃত বাহাদুৰ ৰায়ৰ আমন্ত্ৰণত ভাৰতৰ বৈদেশিক সচিব বিক্ৰম মিশ্ৰীয়ে দুদিনীয়াকৈ নেপাল ভ্ৰমণৰ কথা। নেপালৰ বৈদেশিক মন্ত্ৰালয়ৰ তথ্য অনুসৰি অহা ১১-১২ মে’ত কাঠমাণ্ডু ভ্ৰমণ কৰিব মিশ্ৰীয়ে।
প্ৰধানমন্ত্ৰী বালেন্দ্ৰ শ্বাহৰ নেতৃত্বত নেপালত চৰকাৰ গঠনৰ পিছত ভাৰতৰ এয়া প্ৰথম কূটনৈতিক ভ্ৰমণ। বৈদেশিক পৰিক্ৰমা মন্ত্ৰালয়ৰ তথ্য অনুসৰি অহা ১১ মে’ত কাঠমাণ্ডুত উপস্থিত হ’ব ভাৰতৰ বৈদেশিক সচিবগৰাকী । নেপালৰ বৈদেশিক সচিব অমৃত বাহাদুৰ ৰায়ে তেওঁক আনুষ্ঠানিক নিমন্ত্ৰণ পত্ৰ প্ৰেৰণ কৰিছে । কাঠমাণ্ডু ভ্ৰমণৰ সময়ত তেওঁ বৈদেশিক মন্ত্ৰী শিশিৰ খানাল, বিত্তমন্ত্ৰী স্বৰ্ণিম ৱাগলে, শক্তি মন্ত্ৰী বিৰাজ ভক্ত শ্ৰেষ্ঠৰ সৈতে সাক্ষাৎ কৰিব। ইয়াৰ উপৰিও শাসকীয় ৰাষ্ট্ৰীয় স্বতন্ত্ৰ পাৰ্টিৰ সভাপতি ৰবি লামিচানেৰ সৈতে বৈঠকৰ দিন ধাৰ্য কৰা হৈছে।
ভাৰতীয় বৈদেশিক পৰিক্ৰমা মন্ত্ৰালয়ৰ নৰ্থ ডেস্কৰ ভাৰপ্ৰাপ্ত অতিৰিক্ত সচিব মনু মহাৱাৰো মিশ্ৰীৰ সৈতে নেপালত উপস্থিত হৈছে ।
শেহতীয়াকৈ দিল্লী ভ্ৰমণ কৰা নেপালী সাংবাদিকৰ এটা দলৰ সৈতে হোৱা বৈঠকৰ সময়ত বৈদেশিক সচিব মিশ্ৰীয়ে নিজেই উল্লেখ কৰে যে তেওঁ অতি সোনকালে নেপাল ভ্ৰমণ কৰিব । নেপালৰ নতুন চৰকাৰৰ সৈতে সকলো ক্ষেত্ৰতে সহযোগিতা অব্যাহত ৰখাৰ কথাও তেওঁ কয় ।
हिन्दुस्थान समाचार / Manoj Kumar Saikia
