নতুন দিল্লী, ০২ মে’ (হি.স.)। হাৰিয়ানাৰ ৰাজ্যপাল অধ্যাপক অসীম কুমাৰ ঘোষে শনিবাৰে প্ৰধানমন্ত্ৰী নৰেন্দ্ৰ মোডীক সৌজন্যমূলক সাক্ষাৎ কৰে। হাৰিয়ানাৰ ফাৰ্ষ্ট লেডী মিত্ৰ ঘোষ আৰু ৰাজ্যপালৰ ব্যক্তিগত সচিব শংকা চেটাৰ্জীও উপস্থিত থাকে । প্ৰধানমন্ত্ৰীৰ কাৰ্যালয়ে দুয়োগৰাকী নেতাৰ মাজত হোৱা বৈঠকৰ ফটো শ্বেয়াৰ কৰে।

হাৰিয়ানাৰ সামগ্ৰিক উন্নয়নৰ বাবে প্ৰধানমন্ত্ৰীয়ে আগবঢ়োৱা অবিৰত সমৰ্থন, পথ প্ৰদৰ্শন, উৎসাহৰ বাবে ৰাজ্যপালগৰাকীয়ে কৃতজ্ঞতা জ্ঞাপন কৰে । তেওঁ প্ৰধানমন্ত্ৰীক ৰাজ্যখনৰ অগ্ৰগতি, চলি থকা জনকল্যাণমূলক আঁচনি, আৰু অন্যান্য গুৰুত্বপূৰ্ণ উন্নয়নমূলক পদক্ষেপৰ বিষয়ে অৱগত কৰে। ৰাজ্যপালগৰাকীয়ে কৃত্ৰিম বুদ্ধিমত্তা আৰু কোৱাণ্টাম কম্পিউটিঙৰ দৰে উদীয়মান ক্ষেত্ৰসমূহৰ ওপৰত গুৰুত্ব আৰোপ কৰি আগন্তুক বিশ্ববিদ্যালয় শিক্ষা ব্যৱস্থাৰ ধাৰণাও চৰ্চা কৰে ।

এই উপলক্ষে শংকা চেটাৰ্জীয়ে ৰাজ্যপাল আৰু প্ৰথম মহিলাৰ সৈতে তেওঁৰ দুখন গ্ৰন্থ প্ৰধানমন্ত্ৰীক উপহাৰ দিয়ে। অদ্বৈত বেদান্তঃ এক অনন্য দৰ্শন আৰু সামাজিক দৃষ্টিকোণত ধৰ্মক্ষেত্ৰ-কুৰুক্ষেত্ৰ নামৰ এই গ্ৰন্থসমূহ শেহতীয়াকৈ ৰাজ্যপাল অধ্যাপক ঘোষে মুখ্যমন্ত্ৰী নয়ব সিং ছাইনী আৰু বিধানসভাৰ অধ্যক্ষ হৰবিন্দৰ সিং কল্যাণৰ উপস্থিতিত মুকলি কৰে।

हिन्दुस्थान समाचार / মনোজ কুমাৰ শইকীয়া