২০২৬ চনৰ কান চলচ্চিত্ৰ মহোৎসৱত শক্তিশালী উপস্থিতি লাভ কৰি অভিনেত্ৰী জেকলিন ফাৰ্নাণ্ডেজে পুনৰবাৰ বিশ্বব্যাপী ফেশ্বন আইকন হিচাপে নিজৰ মৰ্যাদা সৱল কৰি তুলিছে। বিশেষ অনুষ্ঠানটোৰ বাবে তেওঁ পিন্ধিছিল কেৰ’লিন ক’ট্যুৰৰ ক’লা ষ্ট্ৰেপলেছ মিনি ড্ৰেছ, যিটো আড়ম্বৰ আৰু আধুনিক গ্লেমাৰৰ নিখুঁত মিশ্ৰণ। টেক্সচাৰ্ড ডিটেইলিং আৰু ফিট চিলোৱাটৰ সৈতে ড্ৰেছটোৱে তাইক অত্যন্ত ষ্টাইলিছ আৰু আকৰ্ষণীয় কৰি তুলিছিল।
সম্পূৰ্ণ ক’লা ৰঙৰ ৰূপটোক আৰু অধিক উন্নত কৰিবলৈ জেকলিনে হীৰা গহনা পিন্ধিছিল, যিয়ে তেওঁৰ ৰেড কাৰ্পেটৰ চেহেৰাত বিলাসীতা আৰু ক্লাছৰ স্পৰ্শ যোগ কৰিছিল। মিৰাকলছ গালাক কানৰ অন্যতম একচেটিয়া ফেশ্বন ইভিন বুলি গণ্য কৰা হয়, য’ত বেলা হাদিদ, ডেমি মূৰ, এড্ৰিয়ানা লিমাৰ দৰে বহু আন্তঃৰাষ্ট্ৰীয় তাৰকাই অংশগ্ৰহণ কৰে। উল্লেখযোগ্য যে এই সন্মানীয় অনুষ্ঠানত অংশগ্ৰহণ কৰা একমাত্ৰ ভাৰতীয় চেলিব্ৰিটি আছিল জেকলিন ফাৰ্নাণ্ডেজ।
বিগত কেইবছৰমানৰ পৰা ফেশ্বন চেন্স আৰু আত্মবিশ্বাসেৰে আন্তঃৰাষ্ট্ৰীয় মঞ্চত নিজকে বিশিষ্ট কৰি তুলিছে অভিনেত্ৰীগৰাকীয়ে। কান ২০২৬ত তেওঁৰ উপস্থিতি সেই যাত্ৰাৰ আন এক মাইলৰ খুঁটি হিচাপে গণ্য কৰা হয়। বলীউডৰ তাৰকাৰ পৰা বিশ্বব্যাপী ফেশ্বন প্ৰিয়লৈকে জেকলিনে নিজৰ আন্তঃৰাষ্ট্ৰীয় শৈলীৰে আকৰ্ষণ অব্যাহত ৰাখিছে।
হিন্দুস্থান সমাচাৰ / মনোজ কুমাৰ শইকীয়া
