ইছলামাবাদ, ১৯ মে’ (হি.স.)। পাকিস্তানৰ বেলুচিস্তান প্ৰদেশৰ স্বাধীনতা সমৰ্থক বিদ্ৰোহী গোট বেলুচিস্তান লিবাৰেশ্যন আৰ্মীয়ে দাবী কৰিছে যে সাত দিনীয়া সংগ্ৰামৰ অন্তত অৱশেষত তেওঁলোকৰ যোদ্ধাসকলে কুৱেটা-টাফটান ঘাইপথ (এম-৪০) সম্পূৰ্ণৰূপে নিয়ন্ত্ৰণ কৰিবলৈ সক্ষম হৈছে। এই সময়ছোৱাত যোদ্ধাসকলে পাকিস্তানী নিৰাপত্তাৰক্ষীৰ সৈতে হিংসাত্মক সংঘৰ্ষৰ সন্মুখীন হয়।

দ্য বেলুচিস্তান পোষ্টৰ মতে, ১০ৰ পৰা ১৭ মে’ৰ ভিতৰত ঘাইপথটো আটাইতকৈ অস্থিৰ আৰু স্পৰ্শকাতৰ আছিল। এই সময়ছোৱাত মাষ্টুং, নুস্কি, ডালবন্দিন, খাৰাণ আৰু ৱাছুকৰ বিভিন্ন অঞ্চলত বন্দুকৰ গুলীয়াগুলী চলি আছিল। গ্ৰেনেড বিস্ফোৰণে কঁপাইছিল অঞ্চলটো। ১৫ মে’ত মাস্তুং জিলাৰ নুস্কিৰ সমীপৰ শ্বেখ ৱাছিল অঞ্চলত এখন মূল দলং উৰুৱাই দিয়া হৈছিল। সেইদিনা খনিজ কনভয়, ট্ৰাক, পাকিস্তানী সেনাৰ ইউনিটক লক্ষ্য কৰি লোৱা হৈছিল।

খাৰাণৰ আৰ্মাগাই অঞ্চলত খনিজ পৰিবহণ ট্ৰাকত অগ্নিসংযোগ। ৱাশ্বুকৰ বাছিমাত জব্দ পাকিস্তানী সেনাৰ বাবে ৰেচন কঢ়িয়াই অনা এখন বাহন। এই সময়ছোৱাত অস্ত্ৰধাৰী লোকে মহানগৰীৰ কেইবাটাও অঞ্চল জব্দ কৰে। ঘাইপথত উৰুৱাই দিয়া হয় এখন সেনাবাহিনীৰ বাহন। এন-৪০ৰ ওপৰত সম্পূৰ্ণ নিয়ন্ত্ৰণ লাভ কৰা বুলি উল্লেখ কৰি বিএলএই আক্ৰমণৰ দায়িত্ব স্বীকাৰ কৰে। গোটটোৱে কয় যে এই পথটোৱে দীৰ্ঘদিন ধৰি বেলুচিস্তানৰ সম্পদৰ শোষণৰ বাবে এক গুৰুত্বপূৰ্ণ কৰিডৰ হিচাপে কাম কৰি আহিছে।

এই ঘাইপথটো পাকিস্তানৰ বাবে গুৰুত্বপূৰ্ণ

এই ঘাইপথটোৱে বেলুচিস্তানৰ ৰাজধানী কুৱেটাক ইৰাণৰ সীমান্তৱৰ্তী টাফটান চহৰৰ সৈতে সংযোগ কৰে। ই ইৰাণ যোগে পাকিস্তানক তুৰস্ক আৰু ইউৰোপৰ সৈতে সংযোগ কৰে। ইয়াক আঞ্চলিক সহযোগিতা আৰু উন্নয়ন (আৰচিডি) ঘাইপথৰ অংশ হিচাপেও গণ্য কৰা হয়। ইৰাণ আৰু পাকিস্তানৰ মাজত বাণিজ্য আৰু ট্ৰেনজিটৰ বাবে ই আটাইতকৈ গুৰুত্বপূৰ্ণ আৰু পুৰণি স্থলপথ। এই ঘাইপথটোৱে ছাইণ্ডক আৰু ৰেকো ডিক আদি বৃহৎ খনন প্ৰকল্পৰ কৰ্মচাৰীসকলৰ বাবে গতিবিধিৰ এক প্ৰধান মাধ্যম হিচাপে কাম কৰে। মধ্যপ্ৰাচ্য আৰু ইউৰোপলৈ যোৱা লোকসকলৰ বাবে ই এক গুৰুত্বপূৰ্ণ ট্ৰেনজিট পথ হিচাপে কাম কৰে। ই এক স্পৰ্শকাতৰ ঘাইপথ, আৰু প্ৰাদেশিক প্ৰশাসনে ইয়াৰ ওপৰত সঘনাই নিশাৰ যাত্ৰাত বাধা আৰোপ কৰে।

দ্বিতীয় দিনাও নচলিল জাফ্ফৰ এক্সপ্ৰেছ

দুনিয়া নিউজ চেনেলৰ মতে, কুৱেটা আৰু পেছাৱাৰৰ মাজৰ জাফৰ এক্সপ্ৰেছ একেৰাহে দ্বিতীয় দিনৰ বাবে স্থগিত ৰখা হৈছে। ৰে’ল বিভাগৰ বিষয়াসকলে উল্লেখ কৰিছে যে আজি ৰে’লখন যাত্ৰা নকৰে। অনিবাৰ্য কাৰণত বাতিল কৰা হৈছে জাফ্ফৰ এক্সপ্ৰেছ।

পেছাৱৰ-কুৱেটা জাফ্ফাৰ এক্সপ্ৰেছৰ নিৰ্ধাৰিত পথ সম্পূৰ্ণ কৰাৰ পৰিৱৰ্তে জেকবাবাদৰ পৰা উভতি ডাইভাৰ্ট কৰা হ’ব। সাম্প্ৰতিক পৰিস্থিতিৰ পৰ্যালোচনাৰ অন্তত এই ৰে’লখন পুনৰ আৰম্ভ কৰাৰ সিদ্ধান্ত লোৱা হ’ব।

হিন্দুস্থান সমাচাৰ / মনোজ কুমাৰ শইকীয়া