ইতিহাসৰ বহু গুৰুত্বপূৰ্ণ ঘটনাৰ বাবে ১৯ মে’ক স্মৰণ কৰা হয় যদিও বিজ্ঞান জগতত ইয়াৰ বিশেষ তাৎপৰ্য আছে। ১৭৪৩ চনৰ আজিৰ দিনটোতে উষ্ণতা জুখিবলৈ ব্যৱহাৰ কৰা চেণ্টিগ্ৰেড স্কেলৰ বিকাশৰ দিশত এক গুৰুত্বপূৰ্ণ পদক্ষেপ গ্ৰহণ কৰা হয়। ফৰাচী বিজ্ঞানী জিন-পিয়েৰ ক্ৰীষ্টিনে ১৭৪৩ চনৰ ১৯ মে’ত চেণ্টিগ্ৰেড উষ্ণতাৰ স্কেল প্ৰস্তুত কৰিছিল। এই ব্যৱস্থাই উষ্ণতা জুখিবলৈ অধিক পদ্ধতিগত আৰু বৈজ্ঞানিক ভিত্তি প্ৰদান কৰিছিল।
চেণ্টিগ্ৰেড স্কেলত পানীৰ জমা বিন্দু ০ ডিগ্ৰী আৰু উতল বিন্দু ১০০ ডিগ্ৰী স্থাপন কৰা হৈছিল। এই দুটা বিন্দুৰ মাজৰ উষ্ণতাক ১০০টা সমান অংশত ভাগ কৰা হৈছিল, যাৰ ফলত উষ্ণতা জুখি আৰু বুজিবলৈ সহজ হৈ পৰিছিল। পিছলৈ এই ব্যৱস্থাটো বহুলভাৱে গ্ৰহণ কৰা হয় আৰু ই বিশ্বৰ বেছিভাগ দেশতে উষ্ণতা জোখাৰ মানদণ্ডত পৰিণত হয়।
যদিও আধুনিক যুগত ইয়াক সাধাৰণতে চেলছিয়াছ স্কেল বুলি কোৱা হয়, তথাপিও ইয়াৰ বিকাশত বহু বিজ্ঞানীয়ে অৰিহণা যোগাইছিল। এই স্কেলে বতৰ বিজ্ঞান, চিকিৎসা, গৱেষণা, আৰু দৈনন্দিন জীৱনত গুৰুত্বপূৰ্ণ ভূমিকা পালন কৰে।
গুৰুত্বপূৰ্ণ পৰিঘটনা
১৫২১ - তীব্ৰ যুদ্ধৰ অন্তত অট্টোমান সেনাই বাল্কন উপদ্বীপৰ যুগোস্লাভিয়াৰ ৰাজধানী বেলগ্ৰেড দখল কৰে।
১৫৩৬ – ইংলেণ্ডৰ ৰজা অষ্টম হেনৰীৰ দ্বিতীয় পত্নী আৰু প্ৰথম ৰাণী এলিজাবেথৰ মাতৃ এন্নে বলেইনক ব্যভিচাৰৰ দোষী সাব্যস্ত হোৱাৰ পিছত মৃত্যুদণ্ড দিয়া হয়।
১৮৯২ – প্ৰখ্যাত নাট্যকাৰ আৰু কবি অস্কাৰ ৱাইল্ডে সমকামিতাৰ অপৰাধত দুবছৰ কাৰাবাস খাটি কাৰাগাৰৰ পৰা মুক্তি লাভ কৰে। সেই সময়ত ব্ৰিটেইনত সমকামিতা অবৈধ আছিল।
১৯১৩ – নীলম সঞ্জীৱ ৰেড্ডীৰ জন্ম হয়, তেওঁ দেশৰ ষষ্ঠ ৰাষ্ট্ৰপতি হয়।
১৯৩৬ – ব্ৰিটিছ উদ্ভাৱক ৰবাৰ্ট ৱাটছন-ৱাটে ৰাডাৰ আৱিষ্কাৰ কৰে আৰু প্ৰথমবাৰৰ বাবে ব্ৰিটিছ বিমানবন্দৰত এই ব্যৱস্থাটো স্থাপন কৰা হয়।
১৯৫০ – ইজিপ্তে ইজৰাইলৰ জাহাজৰ বাবে ছুৱেজ খাল বন্ধ কৰাৰ কথা ঘোষণা কৰে।
১৯৭১ – আজিৰ দিনটোতে ভাৰতীয় নৌসেনাৰ প্ৰথমটো চাবমেৰিন ঘাটি বীৰ বাহু বিশাখাপট্টনমত উদ্বোধন কৰা হয়।
১৯৮০ – আমেৰিকাত হেলেনা আগ্নেয়গিৰিৰ বিস্ফোৰণত ৯ জন লোকৰ মৃত্যু হয়। পুৱাৰ ভাগত সংঘটিত হোৱা এই বিস্ফোৰণৰ ফলত দেশৰ উত্তৰ-পশ্চিম অংশ অন্ধকাৰত ডুব যায়। বহু লোকো সন্ধানহীন হৈ আছিল।
১৯৯৯ – ভাৰতীয় মূলৰ মহেন্দ্ৰ চৌধুৰীক ফিজিৰ প্ৰধানমন্ত্ৰী হিচাপে নিযুক্তি দিয়া হয়। মেক্সিকোৰ বাল্কন ডিফুছ’ আগ্নেয়গিৰি সক্ৰিয় হৈ পৰে।
২০০০ – আজিৰ দিনটোতে ফিজিত ভাৰতীয় মূলৰ প্ৰধানমন্ত্ৰী মহেন্দ্ৰ চৌধৰীৰ চৰকাৰ উৎখাত কৰে ৭টা মুখা পিন্ধা অস্ত্ৰধাৰীয়ে।
২০০১ – এপল ইনকৰ্পৰেশ্যনে প্ৰথম দুটা খুচুৰা বিপণী মুকলি কৰে, এটা ভাৰ্জিনিয়াৰ মেকলিনত আৰু আনটো কেলিফৰ্ণিয়াৰ গ্লেণ্ডেলত।
২০০১ – ইজৰাইলে পেলেষ্টাইনৰ মুখ্য কাৰ্যালয়ত বিমান আক্ৰমণ চলায় আৰু ১৫ জন আহত হয়।
২০০২ – পূব টিমৰ চাৰি শতিকাৰ দাসত্বৰ অন্তত নতুন সহস্ৰাব্দৰ প্ৰথমটো নতুন জাতি হিচাপে বিশ্বৰ মানচিত্ৰত আত্মপ্ৰকাশ কৰে।
২০০৩ – জিবুতিৰ ৰাষ্ট্ৰপতি ইছমাইল ওমৰ গুৱেলে ভাৰত ভ্ৰমণৰ বাবে নতুন দিল্লীত উপস্থিত হয়।
২০০৬ – ভাৰতীয় মূলৰ মালয়েছিয়াৰ উদ্যোগপতি টি ৰবিচন্দ্ৰনে মাউণ্ট এভাৰেষ্ট জয় কৰে।
২০০৭ – আমেৰিকাৰ চেনেটে এক বিস্তৃত অনুপ্ৰৱেশ সংস্কাৰ বিধেয়কত সন্মতি প্ৰকাশ কৰে।
২০০৮ – ভাৰত আৰু চীনৰ মাজত নাথু লাৰ জৰিয়তে পুনৰ বাণিজ্য আৰম্ভ হয়।
২০০৮ – বিশ্ব শ্ৰমিক সংগঠনৰ কাৰ্যবাহী অধ্যক্ষ আছানে নতুন দিল্লীত সামাজিক সুৰক্ষা সম্পৰ্কীয় এখন সন্মিলন উদ্বোধন কৰে।
২০০৮ – বেংক অৱ বৰোদাৰ নিকা লাভ ২০০৭-০৮ চনত ৩৯.৯% বৃদ্ধি পোৱাৰ তথ্য প্ৰকাশ কৰে।
২০০৮ - মালয়েছিয়াৰ প্ৰাক্তন প্ৰধানমন্ত্ৰী মহাথিৰ মহম্মদে শাসকীয় দলৰ পৰা বিচ্ছিন্ন হোৱাৰ কথা ঘোষণা কৰে।
২০০৮ – আজিৰ দিনটোতে চীনে ভাৰতীয় তীৰ্থযাত্ৰীৰ কৈলাশ মনসাৰৱৰ ভ্ৰমণ স্থগিত ৰাখে।
২০১০ - ৩৪ দিন ধৰি চলি থকা ৩জি স্পেকট্ৰম নিলামৰ পৰা ভাৰত চৰকাৰে ৬৭,৭১৮.৯৫ কোটি ₹ মাচুল লাভ কৰাটো নিশ্চিত।
২০১০ - বিহাৰৰ মুজাফ্ফৰপুৰ-ৰক্সাউল ৰে’লপথৰ মতিহাৰী জিলাৰ জীৱনধৰা আৰু পিপৰা ৰে’ল ষ্টেচনৰ মাজত থকা বাংগৰী হল্টৰ সমীপত নক্সালবাদীয়ে ৰে’লপথত বিস্ফোৰণ সংঘটিত কৰাৰ ফলত এখন টেংকাৰ মালবাহী ৰে’ল লাইনচ্য়ুত হয় আৰু ১৩টা দবাত জুই লাগে।
২০১১ – ৫৮ সংখ্যক ৰাষ্ট্ৰীয় চলচ্চিত্ৰ বঁটা ঘোষণা কৰা হয়। মনেৰ মানুছ ছবিখনে ৰাষ্ট্ৰীয় সংহতিৰ বাবে বঁটা লাভ কৰে। তদুপৰি দবং ছবিখনে সৰ্বাধিক মনোৰঞ্জনমূলক ছবিৰ সন্মান লাভ কৰে। মালয়ালম ছবি এডেমিন্টে মাকন আবু শ্ৰেষ্ঠ ছবি হিচাপে নিৰ্বাচিত হোৱাৰ বিপৰীতে অৰুনিমা শৰ্মাক শ্ৰেষ্ঠ পৰিচালক হিচাপে সন্মানিত কৰা হয়। মালয়ালম অভিনেতা চেলিম কুমাৰ আৰু তামিল অভিনেতা ধনুশক যৌথভাৱে মালয়ালম ছবি এডেমিণ্টে মাকান আবুৰ বাবে শ্ৰেষ্ঠ অভিনেতাৰ ৰাষ্ট্ৰীয় বঁটাৰ বাবে নিৰ্বাচিত কৰা হয়। মিতালী জগতাপ আৰু সাৰন্না পি যৌথভাৱে শ্ৰেষ্ঠ অভিনেত্ৰীৰ ৰাষ্ট্ৰীয় বঁটাৰ বাবে নিৰ্বাচিত হয়।
জন্ম
১৮২৪ – আজিৰ দিনটোতে নানা চাহেব - ১৮৫৭ চনৰ ভাৰতীয় স্বাধীনতাৰ প্ৰথম যুদ্ধৰ স্থপতি।
১৮৮১ – কেমাল আটাতুৰ্ক - আধুনিক তুৰস্কৰ সৃষ্টিকৰ্তা।
১৯১৩ – নীলম সঞ্জীৱ ৰেড্ডী - ভাৰতৰ ৰাষ্ট্ৰপতি
১৯৩৪ - পি লীলা - ভাৰতীয় তামিল চিনেমাৰ এগৰাকী বিখ্যাত প্লেবেক গায়ক।
১৯৩৪ – ৰাস্কিন বণ্ড - ইংৰাজী ভাষাৰ অন্যতম বিখ্যাত ভাৰতীয় লেখক।
১৯৩৮ – আজিৰ দিনটোতে কবি, নাট্য ব্যক্তিত্ব, চুটিগল্পকাৰ, নাট্যকাৰ, চলচ্চিত্ৰ পৰিচালক, চলচ্চিত্ৰ অভিনেতা গিৰীশ কৰ্ণাদ।
১৯৪৭ – টি.চি. যোহান্নান - এজন ভাৰতীয় লং জাম্পাৰ।
১৯৯৯ - দীপক পুনিয়া - এজন ভাৰতীয় ফ্ৰীষ্টাইল মল্লযুঁজাৰু যিয়ে ৮৬ কেজি ওজন শাখাত প্ৰতিদ্বন্দ্বিতা কৰে।
মৃত্যু
১৯০৪ – জামছেদজী টাটা - টাটা গোটৰ প্ৰতিষ্ঠাপক
১৯৭৯ - হাজাৰী প্ৰসাদ দ্বিবেদী - আগশাৰীৰ হিন্দী সাহিত্যিক
১৯৯৬ – আজিৰ দিনটোতে জনাকী ৰামচন্দ্ৰন - বিখ্যাত তামিল অভিনেত্ৰী তথা তামিলনাডুৰ প্ৰাক্তন মুখ্যমন্ত্ৰী।
১৯৯৭ – সোম্ভু মিত্ৰ - চলচ্চিত্ৰ আৰু মঞ্চ অভিনেতা, পৰিচালক, আৰু নাট্যকাৰ।
২০০৪ - ই কে নয়নাৰ - ভাৰতীয় কমিউনিষ্ট পাৰ্টি (মাৰ্ক্সবাদী) ৰাজনীতিবিদ, কেৰেলাৰ প্ৰাক্তন মুখ্যমন্ত্ৰী।
২০০৮ – বিজয় তেণ্ডুলকাৰ - ভাৰতীয় নাট্যকাৰ আৰু নাট্য ব্যক্তিত্ব।
হিন্দুস্থান সমাচাৰ / অৰৱিন্দ
