কাঠমাণ্ডু, ১৭ মে’ (হি.স.)। ভাৰতৰ পৰা কৈলাশ মানসৰোৱৰ যাত্ৰাৰ বাবে নেপাললৈ আহিবলৈ আৰম্ভ কৰিছে তীৰ্থযাত্ৰীসকল। বিগত চাৰিদিনত ১৬৯ গৰাকী তীৰ্থযাত্ৰী নেপাল হৈ নেপাললৈ যাবলৈ পঞ্জীয়ন কৰিছে। পশ্চিম নেপালৰ নেপালগঞ্জৰ পৰা ছিমকোটলৈ আৰু তাৰ পৰা চীনৰ কৈলাশ মানসৰোৱৰ যাত্ৰাৰ দুৱাৰ হিচাপে গণ্য কৰা হিলছালৈ বিমানযোগে তীৰ্থযাত্ৰীসকল আহি আছে।

ছিমকোট বিমানবন্দৰৰ সঞ্চালক মহেন্দ্ৰ সিঙে জনোৱা মতে, ১৪ মে’ৰ পৰা ১৬৯জন ভাৰতীয় নাগৰিক আৰু আন ২২খন দেশৰ নাগৰিক উপস্থিত হৈছে। বতৰ বেয়া হোৱাৰ পাছতো শনিবাৰে ছামিট এয়াৰৰ তিনিখন বিমানেৰে ৪৭জন তীৰ্থযাত্ৰী আহিছিল। দেওবাৰে বতৰ উন্নত হোৱাৰ লগে লগে তীৰ্থযাত্ৰীসকলক চিমকোটলৈ লৈ যোৱা হৈছে।

তেওঁ কয় যে কিছুমান বিদেশী তীৰ্থযাত্ৰীয়ে প্ৰয়োজনীয় অনুমতি পত্ৰৰ অভাৱত কৈলাশ মানসৰোৱৰলৈ যাত্ৰা অব্যাহত ৰাখিব নোৱাৰিলে, আৰু সেয়েহে, তেওঁলোকক ঘূৰাই পঠিয়াই দিয়া হ’ল।

বিষয়াসকলে জনোৱা মতে, অনাগত দিনত তীৰ্থযাত্ৰীৰ সংখ্যা আৰু বৃদ্ধি পোৱাৰ সম্ভাৱনা আছে। ক’ভিড-১৯ৰ নিষেধাজ্ঞাৰ পাছত হিলছা পথ পুনৰ মুকলি হোৱাৰ ফলত তীৰ্থযাত্ৰাৰ প্ৰতি আগ্ৰহ বাঢ়িছে। যোৱা বছৰ চীনে এই পথটো পুনৰ মুকলি কৰাৰ পিছত প্ৰায় ৬৫০০ ভাৰতীয় তীৰ্থযাত্ৰী এই পথেৰে কৈলাশ মানসৰোৱৰলৈ যাত্ৰা কৰিছিল। এইবাৰ ১৪ মে’ৰ পৰা আৰম্ভ হৈছে তীৰ্থযাত্ৰা।

হিন্দুস্থান সমাচাৰ / মনোজ কুমাৰ শইকীয়া