- নিজৰ ট্ৰেকত সৌৰশক্তি উৎপাদন কৰা দেশৰ প্ৰথমখন মেট্ৰ’
নাগপুৰ, ১৭ মে’ (হি.স.)। নাগপুৰৰ মহাৰাষ্ট্ৰ মেট্ৰ’ ৰে’ল নিগম (নাগপুৰ মেট্ৰ’)ৰ উদ্যোগত পৰিবেশ সুৰক্ষাৰ দিশত এক নতুন পদক্ষেপ। আধুনিক ৰাজহুৱা পৰিবহণৰ মাধ্যম বুলি গণ্য কৰা নাগপুৰ মেট্ৰ’ এতিয়া ম’বাইল পাৱাৰ হাউচ’ত পৰিণত হৈছে। ট্ৰেক আৰু খুঁটাত সৌৰ পেনেল স্থাপন কৰি বিদ্যুৎ উৎপাদন কৰা মহাৰাষ্ট্ৰৰ প্ৰথমটো মেট্ৰ’ ব্যৱস্থা হিচাপে পৰিগণিত হৈছে।
নাগপুৰ মেট্ৰ’ৰ জ্যেষ্ঠ উপ-জেনেৰেল মেনেজাৰ (কৰ্পৰেট কমিউনিকেশ্যন) অখিলেশ হালভেৰ মতে, এই প্ৰকল্পই পৰিৱেশ সুৰক্ষাৰ ক্ষেত্ৰত যথেষ্ট লাভৱান হ’ব। মাত্ৰ ৫০ কিলোৱাট পিক (কিলোৱাট) সৌৰ শক্তি কেন্দ্ৰৰ ক্ষমতাৰে এই প্ৰকল্পটোৱে বছৰি প্ৰায় ৬৪ টন কাৰ্বন ডাই অক্সাইড নিৰ্গমন হ্ৰাস কৰিব। ইয়াৰ সমতুল্য প্ৰায় ২,৯৬১ টা সম্পূৰ্ণ গজি উঠা গছৰ।
ভাৰতৰ আন মেট্ৰ’ প্ৰকল্পসমূহে সাধাৰণতে ষ্টেচনৰ ছাদত সৌৰ পেনেল স্থাপন কৰাৰ বিপৰীতে নাগপুৰ মেট্ৰ’ই ৰে’লপথৰ মাজৰ ঠাইখিনি ফলপ্ৰসূভাৱে ব্যৱহাৰ কৰা দেশৰ ভিতৰতে প্ৰথমখন মেট্ৰ’ হৈ পৰিছে। দিল্লী মেট্ৰ’ ৰে’ল নিগমে ষ্টেচন আৰু ডিপোত সৌৰশক্তি প্ৰকল্প স্থাপন কৰাৰ বিপৰীতে নাগপুৰে “ট্ৰেক-মাউণ্টেড সৌৰ ব্যৱস্থা”ৰ সফল ৰূপায়ণৰ পথ প্ৰদৰ্শক।
মেনেজমেণ্টৰ দাবী যে ট্ৰেকৰ মাজত স্থাপন কৰা সৌৰ পেনেল ব্যৱহাৰ কৰি মেট্ৰ’ ব্যৱস্থা চলোৱা এইটোৱেই হৈছে বিশ্বৰ প্ৰথমটো ব্যৱস্থা।
এই প্ৰকল্পটোৱে ভাৰত-জাৰ্মান সৌৰ সহযোগিতা’ৰ অধীনত জাৰ্মানীৰ পৰা প্ৰায় ২০০ কোটি টকাৰ বিনিয়োগ লাভ কৰে। ফলস্বৰূপে নাগপুৰ মেট্ৰ’ৰ কোনো ধৰণৰ মূলধনী ব্যয় হোৱা নাই। এই প্ৰকল্পটো বিশেষকৈ শূন্য বিনিয়োগৰ আৰ্হি’ হিচাপে উল্লেখযোগ্য।
লক্ষ্য হৈছে মেট্ৰ’ৰ মুঠ বিদ্যুতৰ প্ৰয়োজনীয়তাৰ ৫০ৰ পৰা ৬৫ শতাংশ সৌৰশক্তিৰ পৰা উৎপাদন কৰা। খাপৰি, নতুন বিমানবন্দৰ, আৰু বিমানবন্দৰ দক্ষিণ মেট্ৰ’ ষ্টেচনত উৎপাদিত অতিৰিক্ত বিদ্যুৎ মহাৰাষ্ট্ৰ ৰাজ্যিক বিদ্যুৎ বিতৰণ কোম্পানী লিমিটেড (মহাবিতাৰন)ক যোগান ধৰা হৈছে, যাৰ ফলত মেট্ৰ’ৰ ৰাজহ বৃদ্ধি পাইছে।
এই প্ৰকল্পৰ জৰিয়তে মেট্ৰ’ৰ পৰিচালনা ব্যয় হ্ৰাস পাব, যাৰ ফলত যাত্ৰীসকল প্ৰত্যক্ষভাৱে উপকৃত হ’ব বুলি আশা কৰা হৈছে। ভৱিষ্যতে ভাড়া বৃদ্ধি নিয়ন্ত্ৰণতো সহায় কৰিব পাৰে। আত্মনিৰ্ভৰশীল ভাৰত’ আৰু বহনক্ষম উন্নয়ন’ৰ ধাৰণাক শক্তিশালী কৰা এই প্ৰকল্পটোক ভাৰতীয় অভিযান্ত্ৰিক আৰু বিদেশী বিনিয়োগৰ এক প্ৰধান উদাহৰণ হিচাপে বিবেচিত হৈছে।
সফল নাগপুৰ মেট্ৰ’ৰ সফল ৰূপায়ণৰ পিছত এতিয়া পুনে মেট্ৰ’ৰ ট্ৰেকত সৌৰ পেনেল স্থাপনৰ প্ৰস্তুতি আৰম্ভ হৈছে। নাগপুৰৰ গ্ৰীণ মেট্ৰ’’ মডেল এতিয়া দেশৰ অন্যান্য চহৰৰ বাবে বহনক্ষম উন্নয়নৰ এক নতুন নিদৰ্শন হৈ পৰিছে।
মূল পৰিসংখ্যা
বাৰ্ষিক শক্তি উৎপাদন: প্ৰায় ৭০,০০০ ইউনিট
প্ৰকল্পৰ ক্ষমতা: ৫০ কিলোৱাট পি
আনুমানিক প্ৰকল্প ব্যয়ঃ ১ কোটি টকা
ওভতনি (পেবেক) সময়সীমা: ৪ বছৰ
ৰক্ষণাবেক্ষণ: মাহত দুবাৰকৈ
কাৰ্বন নিৰ্গমন হ্ৰাস: প্ৰতি বছৰে ৬৪ টন
হিন্দুস্থান সমাচাৰ / মনোজ কুমাৰ শইকীয়া
