মৰিগাঁও, ১৭ মে (হি.স.)। জাগীৰোডত নিৰ্মীয়মাণ টাটা ছেমিকণ্ডাক্টৰ প্ৰকল্পৰ সমীপত যোৱানিশা সংঘটিত হয় এক শোকাৱহ পথ দুৰ্ঘটনা ৷ ট্ৰাক আৰু মটৰচাইকেলৰ মাজত সংঘটিত হোৱা সংঘৰ্ষত থিতাতে নিহত হয় এজন যুৱক ৷ নিহত যুৱকজনক জাগীৰোডৰ পলাচুং গাঁৱৰ ১৮ বছৰীয়া অৰ্জুন থাপা বুলি চিনাক্ত কৰা হৈছে ৷ দুৰ্ঘটনাত গুৰুতৰভাৱে আহত আন দুজন যুৱক টেঘেৰীয়া গাঁৱৰ হিৰকজ্যোতি বৰদলৈ আৰু অৰুণ বৰদলৈ ৷

তিনি যুৱকে এখন নম্বৰ বিহীন মটৰচাইকেলেৰে গৈ থকাৰ সময়তে ২৭ নং ৰাষ্ট্ৰীয় ঘাইপথত এএছ ০১ইউচি-৬৬১৩ নম্বৰৰ এখন ট্ৰাকে খুন্দা মৰাৰ ফলত সংঘটিত হয় উক্ত পথ দুৰ্ঘটনা ৷ ঘটনাস্থলীত জাগীৰোড আৰক্ষী উপস্থিত হৈ উদ্ধাৰ কৰে মৃতদেহ ৷

হিন্দুস্থান সমাচাৰ / নিৰ্মলেন্দু