কলকাতা, ১৭ মে’ (হি.স.)। ভাৰতীয় প্রাক্তন বেটছমেন আম্বাতি ৰায়ডুৰ মতে সুনীল নৰেন ইণ্ডিয়ান প্রিমিয়াৰ লীগ (আই পি এল)ৰ শ্ৰেষ্ঠ খেলুৱৈ ৷ যিকোনো বেটছমেনৰ বাবে তেওঁ কঠিন প্ৰতিদ্বন্দ্বী।

শনিবাৰে কলকাতাৰ ইডেন গাৰ্ডেনছ ষ্টেডিয়ামত গুজৰাট টাইটানছৰ বিৰুদ্ধে কলকাতা নাইট ৰাইডাৰ্ছৰ ২৯ ৰানৰ জয়ত সুনীল নৰেনে গুৰুত্বপূৰ্ণ ভূমিকা পালন কৰে। চাৰি অভাৰৰ সময়ছোৱাত ২৯ ৰানত ২টা উইকেট দখল কৰি প্লেয়াৰ অৱ দ্য মেচৰ বঁটা লাভ কৰে। এইখন আছিল নাৰিনৰ ২০০ সংখ্যক আই পি এল মেচ।

ই এছ পি এনক্ৰিচিনফ'ৰ টাইমআউট শ্ব'ত ৰায়ুডুৱে কয় যে নৰেনে বেট আৰু বল দুয়োটাৰে প্ৰচণ্ড মেচ-বিজয়ী। আই পি এলত বহুতো ডাঙৰ ডাঙৰ খেলুৱৈ আছে যদিও এইজন খেলুৱৈ সদায় থিয় দি থাকে। মোৰ মতে তেওঁ তালিকাৰ শীৰ্ষত আছে। ৰায়ুডুৱে কয়, মই ভাবো বেটছমেন হিচাপে সুনীল নৰেনৰ দৰে বলাৰৰ সন্মুখীন হোৱাটো সদায় কঠিন কাৰণ বল পিটচত ৰৈ ৰৈ আহে। ইয়াৰ ফলত প্ৰায়ে ভাৰসাম্য হেৰুৱাবলগীয়া হয়।

আই পি এলৰ ইতিহাসত অগ্ৰণী উইকেট দখলকাৰীৰ তালিকাত যুজবেন্দ্ৰ চাহাল (২৩০ উইকেট) আৰু ভুৱনেশ্বৰ কুমাৰ (২২০ উইকেট)ৰ পিছতে তৃতীয় স্থানত আছে নৰেনে। তেওঁৰ নামত ২০৫টা উইকেট আছে। আই পি এলত সৰ্বাধিক কেপিং কৰা বিদেশী খেলুৱৈও। ২০১২ চনৰ পৰা কেকেআৰৰ সৈতে জড়িত নৰেন।

মেচখনৰ সন্দৰ্ভত প্ৰথমে বেটিং কৰা কলকাতা নাইট ৰাইডাৰ্ছে ২০ অভাৰত দুটা উইকেট হেৰুৱাই মুঠ ২৪৭ ৰান সংগ্ৰহ কৰে। ইয়াৰ প্ৰতিক্ৰিয়া স্বৰূপে গুজৰাটে ৪টা উইকেট হেৰুৱাই মাত্ৰ ২১৮ ৰানহে সংগ্ৰহ কৰিব পাৰিছিল। দলটোৰ হৈ শুভমন গিল, জোছ বাটলাৰ আৰু ছাই সুদৰ্শনে অৰ্ধশতক অৰ্জন কৰে।

হিন্দুস্থান সমাচাৰ / মনোজ কুমাৰ শইকীয়া