পাকয়ং, ১৬ মে’ (হি.স.)। এদিনীয়া চৰকাৰী ভ্ৰমণৰ বাবে শনিবাৰে ছিকিমত উপস্থিত হয় উপ-ৰাষ্ট্ৰপতি চি পি ৰাধাকৃষ্ণন। ছিকিম আৰু পশ্চিম বংগৰ সীমান্তত অৱস্থিত ৰংপোৰ পৰ্যটন সুবিধা কেন্দ্ৰত তেওঁক এক বৃহৎ আদৰণি জনোৱা হয়।
উপ-ৰাষ্ট্ৰপতিগৰাকী হেলিকপ্টাৰেৰে ছিকিমত উপস্থিত হোৱাৰ কথা আছিল যদিও প্ৰতিকূল বতৰৰ বাবে বাগডোগ্ৰা বিমানবন্দৰৰ পৰা ৰাষ্ট্ৰীয় ঘাইপথ ১০এ হৈ পথেৰে যাত্ৰা কৰে।
ৰংপোত তেওঁক আদৰণি জনায় অতিৰিক্ত সচিব (গৃহ) (প্ৰট’কল) আৰু ৰাজ্যিক প্ৰট’কল বিষয়া মিংমা দিকি শ্বেৰপা, পাকয়ং জিলা জিলা দণ্ডাধীশ পৰি বিষ্ণোই, জ্যেষ্ঠ আৰক্ষী অধীক্ষক পাৰু ৰুচল, আৰু ৰংপোৰ এছডিএম সুজাতা চুব্বাই। ৰাজ্য চৰকাৰৰ বিষয়াসকলে উপ-ৰাষ্ট্ৰপতিগৰাকীক পৰম্পৰাগত খাদ্য প্ৰদান কৰে। ইয়াৰ পিছতে উপ-ৰাষ্ট্ৰপতি আৰু তেওঁৰ প্ৰতিনিধি দলে গাংটকৰ ৰাজভৱনলৈ আগবাঢ়িল।
আজি ৰাজধানী গেংটকত ৰাজ্য দিৱস উদযাপনত অংশগ্ৰহণ কৰিব উপ-ৰাষ্ট্ৰপতি চি পি ৰাধাকৃষ্ণনে।
হিন্দুস্থান সমাচাৰ / মনোজ কুমাৰ শইকীয়া
