অভিনেতা পুষ্কৰ জগে ২০২৬ চনৰ প্ৰতিষ্ঠিত কান চলচ্চিত্ৰ মহোৎসৱত আকৰ্ষণীয় অভিষেক ঘটাই আন্তঃৰাষ্ট্ৰীয় মঞ্চত উল্লেখযোগ্য স্থান দখল কৰিছে। প্ৰথমবাৰৰ বাবে আইকনিক কান ৰেড কাৰ্পেটত খোজ কাঢ়ি যোৱা পুষ্কাৰে নিজৰ শৈলী, আত্মবিশ্বাস, আৰু সৰলতাৰে সকলোকে মোহিত কৰিছিল। তেওঁৰ উপস্থিতি হিন্দী আৰু মাৰাঠী চিনেমাৰ বাবে এক উল্লেখযোগ্য মাইলৰ খুঁটি হিচাপে বিবেচিত হৈছে।
পূষ্কৰ জগে বিশ্বৰ প্ৰখ্যাত অভিনেতা আৰু চলচ্চিত্ৰ ব্যক্তিসকলৰ মাজত এক সুকীয়া ছাপ ৰাখিছিল। সহজ অথচ মনোমোহা ৰূপ এটা খেলি অভিনেতাগৰাকীয়ে ৰেড কাৰ্পেটত সংবাদ মাধ্যম আৰু অতিথিসকলক উষ্ম আদৰণি জনায়। কানত নিজৰ অভিজ্ঞতা শ্বেয়াৰ কৰি তেওঁ কয় যে তেওঁৰ বাবে এইটো এটা সপোন পূৰণ হোৱা আৰু মহাৰাষ্ট্ৰক প্ৰতিনিধিত্ব কৰি তেওঁ অত্যন্ত গৌৰৱান্বিত।
চলচ্চিত্ৰ আৰু টেলিভিছনত সুদৃঢ় উপস্থিতি প্ৰতিষ্ঠা কৰা পুষ্কৰ জগে মাৰাঠী চিনেমাৰ লগতে হিন্দী চলচ্চিত্ৰতো কাম কৰি আহিছে। “হিউমেন কোকেইন” ছবিৰে বলীউডত অভিষেক ঘটোৱা পুষ্কাৰে জবৰদস্ত, “বাপ মানুছ”, “তি অনি তি”, “মুছাফিৰ” আদি ছবিত অভিনয় কৰিছে। বিগ বছ মাৰাঠীতো তেওঁ নিজকে বিশিষ্ট কৰি তুলিছিল। কানত তেওঁৰ উপস্থিতি মাৰাঠী প্ৰতিভাই বিশ্ব মঞ্চত উপনীত হোৱাৰ এক শক্তিশালী লক্ষণ হিচাপে দেখা গৈছে।
হিন্দুস্থান সমাচাৰ / মনোজ কুমাৰ শইকীয়া
