নতুন দিল্লী, ১৬ মে’ (হি.স.)। নিচাজাতীয় দ্ৰব্যৰ বিৰুদ্ধে বৃহৎ দমন চলাই ১৮২ কোটি টকাৰ কেপটাগনক জব্দ কৰিছে মাদক দ্ৰব্য নিয়ন্ত্ৰণ ব্যুৰো চমুকৈ এনচিবিৱে। অপাৰেচনটোৰ নাম ৰখা হৈছিল অপাৰেচন ৰেজপিল।
কেন্দ্ৰীয় গৃহমন্ত্ৰী অমিত শ্বাহে টুইটাৰযোগে পোষ্ট কৰি কয় যে মোডী চৰকাৰে “ড্ৰাগছমুক্ত ভাৰত” লাভ কৰাৰ প্ৰতিশ্ৰুতি দিছে। তেওঁ উল্লেখ কৰে যে এনচিবিয়ে প্ৰথমবাৰৰ বাবে ১৮২ কোটি টকাৰ কেপ্তাগন জব্দ কৰিছে। তেওঁ লগতে কয় যে এই চালানখন মধ্যপ্ৰাচ্যলৈ যোৱাৰ লগতে এজন বিদেশী নাগৰিককো গ্ৰেপ্তাৰ কৰা হৈছে।
তেওঁ কয় যে এই কাৰ্য্যই ড্ৰাগছৰ বিৰুদ্ধে শূন্য সহনশীলতা নীতিৰ উদাহৰণ দাঙি ধৰে। ভাৰতীয় ভূখণ্ডক ট্ৰেনজিট পথ হিচাপে ব্যৱহাৰ কৰি কোনো ধৰণে ড্ৰাগছ সৰবৰাহ কৰা নহ’ব। এনচিবিৰ বিষয়াসকলক তেওঁলোকৰ সতৰ্কতা আৰু বীৰত্বৰ বাবে অভিনন্দন জ্ঞাপন কৰে।
মন কৰিবলগীয়া যে কেপ্টাগন হৈছে এক কৃত্ৰিম উদ্দীপক, প্ৰথমে ইয়াক ফেনাইথাইলিন বুলি জনা যায়। ১৯৬০ চনত মনোযোগ ঘাটি হাইপাৰএক্টিভিটি ডিছঅৰ্ডাৰ আৰু নাৰ্কোলেপ্সিৰ দৰে বিকাৰৰ চিকিৎসাৰ বাবে ইয়াক বিকশিত কৰা হৈছিল। পিছলৈ ইয়াৰ নিচাযুক্ত স্বভাৱ আৰু নিৰ্যাতনৰ সম্ভাৱনাৰ বাবে ইয়াক আন্তঃৰাষ্ট্ৰীয় পৰ্যায়ত নিষিদ্ধ কৰা হয়।
ইয়াক জেহাদী ড্ৰাগছ বুলি কোৱা হয় কাৰণ ইয়াক কিছুমান সন্ত্ৰাসবাদী সংগঠনে ব্যৱহাৰ কৰিছিল বুলি অভিযোগ উঠিছে। ই ভাগৰ কমাই মানুহক অধিক সাহসী, আক্ৰমণাত্মক আৰু নিৰ্ভীক কৰি তোলে। যুদ্ধ বা হিংসাত্মক কাৰ্যকলাপত ইয়াৰ ব্যৱহাৰৰ অভিযোগ উত্থাপন হৈছে। কিন্তু মন কৰিবলগীয়া যে জেহাদী ড্ৰাগছ কোনো বৈজ্ঞানিক শব্দ নহয় বৰঞ্চ জনপ্ৰিয় লেবেল।
হিন্দুস্থান সমাচাৰ / মনোজ কুমাৰ শইকীয়া
