নতুন দিল্লী, ১৪ মে’ (হি.স.)। সপ্তাহটোৰ চতুৰ্থ ব্যৱসায়িক দিন বৃহস্পতিবাৰে সেউজ সূচকত মুকলি হয় ঘৰুৱা শ্বেয়াৰ বজাৰ। বিগত কেইদিনমানৰ পৰা বিক্ৰীৰ হেঁচাত ভুগি থকা দুয়োটা ডাঙৰ সূচকাংকই লাভৰ সৈতে ব্যৱসায় কৰি আছে। চেন্সেক্স ১৪০ পইণ্ট আৰু নিফটি ৮১ পইণ্ট বৃদ্ধি পাইছে।
বম্বে ষ্টক এক্সচেঞ্জৰ চেন্সেক্সৰ মূল্য ১৩৯.৯১ পইণ্ট বা ০.১৯ শতাংশ বৃদ্ধি পাই ৭৪,৭৪৮.৮৮ৰ স্তৰত ব্যৱসায় কৰিছে । নেশ্যনেল ষ্টক এক্সচেঞ্জ (এনএছই) নিফটিৰ মূল্যও ৮৮.৯০ পইণ্ট বা ০.৩৮ শতাংশ বৃদ্ধিৰে ২৩,৫০১.৫০ টকাত ব্যৱসায় কৰা হৈছে।
আজি ষ্টক বজাৰত অটো, মেটাল, বেংকিং, ফাৰ্মাচিউটিকেল ষ্টকৰ ব্যৱসায় চলি আছে। এই ইতিবাচক আৰম্ভণি পূৰ্বৰ অধিবেশনত সামান্য উন্নতিৰ পিছত, য’ত শ্বেয়াৰ বজাৰে নিজৰ নিম্নগামী ধাৰা বন্ধ কৰিবলৈ সক্ষম হয়। ইয়াৰ উপৰিও আৰম্ভণিৰ ব্যৱসায়ত টকাৰ মূল্য ২০ পইচা হ্ৰাস পাই সৰ্বকালৰ নিম্নতম ৯৫.৮৬ প্ৰতি ডলাৰত উপনীত হয়।
লক্ষণীয় যে কালি শ্বেয়াৰ বজাৰত উত্থান ঘটিছিল। ৫০ পইণ্ট বৃদ্ধি পাই ৭৪,৬০৯ টকাত বন্ধ হয় চেন্সেক্স। নিফটিয়ে ৩৩ পইণ্ট বৃদ্ধি পাই ২৩,৪১৩ পইণ্টত বন্ধ হয়।
হিন্দুস্থান সমাচাৰ / মনোজ কুমাৰ শইকীয়া
