–পাৰ্পল কেপ দৌৰত শীৰ্ষত আছে ভুৱনেশ্বৰ কুমাৰ
নতুন দিল্লী, ১৪ মে’ (হি.স.)। ইণ্ডিয়ান প্ৰিমিয়াৰ লীগ (আই পি এল) ২০২৬ত অৰেঞ্জ কেপ আৰু পাৰ্পল কেপৰ দৌৰ ক্ৰমাৎ ৰোমাঞ্চকৰ হৈ পৰিছে। বুধবাৰে ৰায়পুৰত ৰয়েল চেলেঞ্জাৰছ বেংগালুৰু (আৰ চি বি) আৰু কলকাতা নাইট ৰাইডাৰ্ছ (কে কে আৰ)ৰ মাজত অনুষ্ঠিত হোৱা খেলখনৰ পিছত দুয়োখন তালিকাতে যথেষ্ট পৰিৱৰ্তন দেখা গৈছে।
–অৰেঞ্জ কেপ ৰেচত বিৰাট কোহলীয়ে বৃহৎ জাপ
আৰচিবিৰ তাৰকা বেটছমেন বিৰাট কোহলীয়ে কেকেআৰৰ বিৰুদ্ধে এক সুন্দৰ শতক অৰ্জন কৰি তেওঁৰ দলটোক ১৯৩ ৰানৰ লক্ষ্যত উপনীত হোৱাত সহায় কৰে। এই ইনিংছৰ জৰিয়তে কোহলিয়ে অৰেঞ্জ কেপৰ তালিকাত তৃতীয় স্থানলৈ উন্নীত হৈছে।
বিৰাট কোহলীয়ে এই ছিজনত ১২টা ইনিংছত ১৬৫.৭৫ ষ্ট্ৰাইক ৰেটত ৪৮৪ ৰান সংগ্ৰহ কৰিছে। তেওঁ মাত্ৰ গুজৰাট টাইটানছৰ ছাই সুদৰ্শন (৫০১ ৰান) আৰু ছানৰাইজাৰ্ছ হায়দৰাবাদৰ হাইনৰিচ ক্লাচেন (৫০৮ ৰান)তকৈ আগবাঢ়ি আছে।
অৰেঞ্জ কেপ দৌৰত ৪৮১ ৰানেৰে চতুৰ্থ স্থানত আছে ছানৰাইজাৰ্ছ হায়দৰাবাদৰ অভিষেক শৰ্মাই। দিল্লী কেপিটেলছৰ কে এল ৰাহুলে ৪৭৭ ৰানেৰে পঞ্চম স্থানত থকাৰ বিপৰীতে গুজৰাট টাইটানছৰ অধিনায়ক শুভমান গিল ৪৬৭ ৰানেৰে ষষ্ঠ স্থানত আছে।
পাৰ্পল কেপত ১ নং ভুৱনেশ্বৰ কুমাৰ
বলাৰৰ ভিতৰত পাৰ্পল কেপ দৌৰত অগ্ৰগতি লাভ কৰিছে আৰচিবিৰ অভিজ্ঞ বেগী বলাৰ ভুৱনেশ্বৰ কুমাৰে। কেকেআৰৰ বিৰুদ্ধে তেওঁ এটা উইকেট দখল কৰি তেওঁৰ মুঠ উইকেট ২২লৈ বৃদ্ধি কৰে।
এই প্ৰদৰ্শনেৰে ভুৱনেশ্বৰে ২১টা উইকেট দখল কৰি গুজৰাট টাইটানছৰ কাগিছ’ ৰাবাদাক চেৰ পেলাইছে।
চেন্নাই ছুপাৰ কিংছৰ অংশুল কম্বোজে ১৯টা উইকেটৰে পাৰ্পল কেপৰ তালিকাত তৃতীয় স্থানত আছে। ইফালে লক্ষ্ণৌ ছুপাৰ জায়েন্টছৰ প্ৰিন্স যাদৱ, গুজৰাট টাইটানছৰ ৰছিদ খান, কলকাতা নাইট ৰাইডাৰ্ছৰ কাৰ্তিক ত্যাগী, ছানৰাইজাৰ্ছ হায়দৰাবাদৰ ঈশান মালিংগাৰ ১৬টাকৈ উইকেট লাভ কৰিছে।
হিন্দুস্থান সমাচাৰ / অৰৱিন্দ
