নলবাৰী, ১৪ মে (হি.স.)। নলবাৰী মহাবিদ্যালয়ত বহিছে এখন বিশেষ বজাৰ। নলবাৰী মহাবিদ্যালয়ত ছাত্ৰ ছাত্ৰীৰ মাজত বহা এখন বিশেষ বজাৰত হৈছে গ্ৰাহকৰ ভিৰ৷ এই বিশেষ বজাৰ খনে লাভ কৰিছে গ্ৰাহকৰ মাজত সমাদৰ ৷ “বহাগেই বতৰ কিজানি....” শীৰ্ষক নামেৰে নলবাৰী মহাবিদ্যালয়ত আজি এইদৰে ছাত্ৰ একতা সভাই আয়োজন কৰে বসন্ত উৎসৱ, ২০২৬ ।

বহাগেই বতৰ কিজানি...বসন্ত উৎসৱক কেন্দ্ৰ কৰি উখলমাখল নলবাৰী মহাবিদ্যালয় প্ৰাংগণ৷ আজিৰ এই বসন্ত উৎসৱত আয়োজন কৰা হয় ছাত্ৰ ছাত্ৰী সকলৰ মাজত বহু বিপনী৷ আন্তঃ মহাবিদ্যালয় ভিত্তিত ছাত্ৰ-ছাত্ৰীসকলৰ সকলৰ হাতৰ দ্বাৰা তৈয়াৰী হস্তশিল্প আৰু খাদ্য-বস্তুৰ ক্ষুদ্ৰ বিপনীত গ্ৰাহকৰ ভিৰকলৈ আনন্দিত ছাত্ৰছাত্ৰী সকল৷ পুৱা ১০ বজাৰ পৰা ৪ বজালৈ আয়োজন কৰা বসন্ত উৎসৱত গীত নৃত্যৰে জীপাল হৈ পৰে নলবাৰী মহাবিদ্যালয় প্ৰাংগণ৷

হিন্দুস্থান সমাচাৰ / প্ৰকাশ ডেকা