কাঠমাণ্ডু, ১৪ মে’ (হি.স.)। নেপাল সংসদত ৰাষ্ট্ৰপতিৰ ভাষণ সন্দৰ্ভত হোৱা চৰ্চাত প্ৰধানমন্ত্ৰী বালেন্দ্ৰ শ্বাহে কোনো উত্তৰ দিবলৈ অস্বীকাৰ কৰিছে, আৰু এতিয়া প্ৰধানমন্ত্ৰী শ্বাহৰ ঠাইত চৰকাৰৰ হৈ উত্তৰ দিব বিত্তমন্ত্ৰী ড০ স্বৰ্ণিম ৱাগলে।
আজিৰ প্ৰতিনিধি সদনৰ কাৰ্যসূচীত এই কথাও উল্লেখ কৰা হৈছে যে ৰাষ্ট্ৰপতিৰ ভাষণ আৰু চৰকাৰৰ নীতি আৰু কাৰ্যসূচীক লৈ উত্থাপিত প্ৰশ্নৰ উত্তৰ বিত্তমন্ত্ৰীয়ে দিব। আজি পুৱা চূড়ান্ত কৰা প্ৰতিনিধি সদনৰ দৈনিক কাৰ্যসূচীত এই বিষয়টোক দ্বিতীয় স্থানত ৰখা হৈছে।
কাৰ্যসূচীত কোৱা হৈছে যে, সোমবাৰে ফেডাৰেল সংসদৰ দুয়োখন সদনৰ যৌথ বৈঠকত ৰাষ্ট্ৰপতিৰ ভাষণত উল্লেখ কৰা অনুসৰি ২০২৬-২০২৭ বিত্তীয় বৰ্ষৰ বাবে নেপাল চৰকাৰৰ বাৰ্ষিক নীতি আৰু কাৰ্যসূচী সম্পৰ্কে আলোচনাৰ সময়ত উত্থাপিত প্ৰশ্নৰ উত্তৰ প্ৰধানমন্ত্ৰীৰ হৈ বিত্তমন্ত্ৰী ড° স্বৰ্নিম ৱাগলে দাখিল কৰিব।
বিৰোধী দলসমূহে নীতি আৰু কাৰ্যসূচী সন্দৰ্ভত চৰ্চা আৰু উত্তৰৰ বাবে প্ৰধানমন্ত্ৰী বালেন্দ্ৰ শ্বাহৰ উপস্থিতিৰ দাবী জনাইছে। বুধবাৰে প্ৰতিনিধি সদনৰ বৈঠকত প্ৰধানমন্ত্ৰীৰ অনুপস্থিতিৰ পিছতে বিৰোধী দলসমূহে বাৰে বাৰে শ্লোগান দি বিঘিনি ঘটায়।
বিৰোধীয়ে যুক্তি আগবঢ়ায় যে ৰাষ্ট্ৰপতিৰ ভাষণত প্ৰধানমন্ত্ৰীয়ে নিজেই ধন্যবাদৰ প্ৰস্তাৱ দাখিল কৰিব লাগে। অধ্যক্ষ ডি.পি. আৰিয়াল, বিৰোধী দলসমূহে মন্ত্ৰীসকলক প্ৰস্তাৱ দাখিল কৰিবলৈ অনুমতি দিবলৈ সন্মত হয় যদিও আলোচনা আৰু সঁহাৰিৰ সময়ত প্ৰধানমন্ত্ৰীৰ বাধ্যতামূলক উপস্থিতিৰ ওপৰত জোৰ দিয়ে।
বিৰোধী দলসমূহে সদনত প্ৰধানমন্ত্ৰীৰ উপস্থিতিৰ ব্যৱস্থা কৰিবলৈ অধ্যক্ষক বাৰে বাৰে অনুৰোধ জনাইছিল। অৱশ্যে প্ৰধানমন্ত্ৰীৰ এজেণ্ডাৰ তথ্যৰ অভাৱৰ কথা উল্লেখ কৰি অধ্যক্ষই এনে সিদ্ধান্ত ল’বলৈ অক্ষমতা প্ৰকাশ কৰে। ইয়াৰ পিছতে কালি বিৰোধীয়ে সদনৰ কাম-কাজত ব্যাঘাত জন্মায়।
বিৰোধীয়ে অব্যাহত ৰখাৰ পিছতে অধ্যক্ষই বৈঠক আজিলৈ স্থগিত ৰাখে।
এতিয়া নীতি আৰু কাৰ্যসূচীৰ ওপৰত চৰ্চাৰ বাবে আজিৰ বৈঠকৰ কাৰ্যসূচী চূড়ান্ত কৰা হৈছে। বিত্তমন্ত্ৰীৰ উত্তৰৰ পিছত চৰকাৰৰ বাৰ্ষিক নীতি আৰু কাৰ্যসূচীত লাভ কৰা সংশোধনীসমূহ সিদ্ধান্তৰ বাবে দাখিল কৰা হ’ব।
আজি সিদ্ধান্তৰ বাবে চৰকাৰৰ বাৰ্ষিক নীতি আৰু কাৰ্যসূচীও দাঙি ধৰাৰ কথা। ইয়াৰ পিছত ব্যয় বিধেয়কৰ নীতি আৰু অগ্ৰাধিকাৰসমূহ দাখিল কৰা হ’ব।
হিন্দুস্থান সমাচাৰ / মনোজ কুমাৰ শইকীয়া
