বৰপেটা, ১৪ মে (হি.স.)। কলগাছিয়াৰ সাওঁৰাচৰা গাঁৱত বেঁকী নদীৰ ভয়ংকৰ খহনীয়া। গৃহহীন বহু পৰিয়ালৰ ঘৰ দুৱাৰ নদীৰ বুকুত জাহ ৷ খহনীয়াত জাহ যোৱাৰ উপক্ৰম এখন প্ৰাথমিক বিদ্যালয় ৷ চৰকাৰৰ সুদৃষ্টি কামনা ৰাইজৰ ৷

বিগত চাৰিটা বছৰে গাও খনৰ এক হাজাৰৰ অধিক পৰিয়ালৰ ভেটি-মাটি নৈ খনৰ বুকুত জাহ গৈছে যদিও চৰকাৰে খহনীয়া প্ৰতিৰোধৰ বাবে লোৱা নাই কোনো ধৰণৰ ব্যৱস্থা ৷ যাতায়তৰ ক্ষেত্ৰতো চৰম অসুবিধাৰ সমুখীন হৈছে নৈ পৰীয়া অঞ্চলৰ স্কুল-কলেজৰ ছাত্ৰ ছাত্ৰীৰ উপৰিও সৰ্বসাধাৰণ ৰাইজ ৷ ইপিনে ১০৯৫ নং সাওৰাচৰা জনপ্ৰিয় প্ৰাথমিক বিদ্যালয়ৰ প্ৰতিও আহিছে খহনীয়াৰ তীব্ৰ ভাবুকি ৷

খহনীয়া প্ৰতিৰোধৰ বাবে সাংসদ ৰকিবুল হুছেইনে কোনো ধৰণৰ গুৰুত্ব নিদিয়াৰ অভিযোগ উথাপিত হৈছে ৷ এইক্ষেত্ৰত নৈ খনৰ খহনীয়া প্ৰতিৰোধৰ বাবে নতুন চৰকাৰৰ মুখ্যমন্ত্ৰী হিমন্ত মামাৰ দৃষ্টিগোচৰ কামনা কৰিছে ভুক্তভোগী লোক সকলে ৷

হিন্দুস্থান সমাচাৰ / প্ৰকাশ ডেকা