কলকাতা, ১৩ মে’(হি.স.)। পশ্চিম বংগৰ মুখ্যমন্ত্ৰী শুভেন্দু অধিকাৰীয়ে নন্দিগ্ৰাম বিধানসভাৰ আসন এৰি ভৱানীপুৰৰ পৰা বিধায়ক হৈ থাকিব বুলি বুধবাৰে ঘোষণা কৰে। সদ্য সমাপ্ত বিধানসভা নিৰ্বাচনত তেওঁ ভৱানীপুৰ আৰু নন্দিগ্ৰাম দুয়োখন আসনত জয়ী হৈছিল। বুধবাৰে বিধানসভাত ভৱানীপুৰৰ পৰা বিধায়ক হিচাপে শপত গ্ৰহণ কৰে।

বিধানসভা চৌহদত সাংবাদিকৰ সৈতে হোৱা এক সাক্ষাৎকাৰত মুখ্যমন্ত্রী সোণোৱালে কয় যে এতিয়া নন্দিগ্ৰামৰ আসনত উপ-নির্বাচন অনুষ্ঠিত হ’ব আৰু তাৰ পৰা আন এজন প্রতিনিধি বিধায়ক নির্বাচিত হ’ব৷ অৱশ্যে তেওঁ স্পষ্ট কৰি দিয়ে যে অহা পাঁচ বছৰলৈ নন্দিগ্ৰামৰ ৰাইজে তেওঁৰ অনুপস্থিতি অনুভৱ কৰিবলৈ দিয়া নহ’ব।

সুবেন্দু অধিকাৰীয়ে কয় যে ৰাজ্যৰ আন প্ৰান্তৰ দৰেই নন্দিগ্ৰামৰ উন্নয়নৰ বাবে তেওঁ দিয়া সকলো প্ৰতিশ্ৰুতি পূৰণ হ’ব। ২০০৯ চনৰ পৰা ২০১৬ চনৰ ভিতৰত নন্দিগ্ৰামৰ পৰা তৃণমূল কংগ্ৰেছৰ বিধায়ক হিচাপে কৰ্মৰত ফিৰোজা বিবিৰ কথা উল্লেখ কৰি তেওঁ কয় যে সেই সময়ত তেওঁ নিজে বিধায়ক নহ’লেও অঞ্চলটোৰ উন্নয়নত তেওঁ সম্পূৰ্ণ সমৰ্থন আগবঢ়াইছিল। এইবাৰো নন্দিগ্ৰামৰ বাবে একে ধৰণে কাম কৰি যাব বুলি কয়।

উল্লেখযোগ্য যে শেহতীয়া বিধানসভা নিৰ্বাচনত ভৱানীপুৰৰ আসনত তৃণমূল কংগ্ৰেছৰ মুৰব্বী তথা প্ৰাক্তন মুখ্যমন্ত্ৰী মমতা বেনাৰ্জীক ১৫,১০৫ টা ভোটত পৰাস্ত কৰিছিল সুবেন্দু অধিকাৰীয়ে। নন্দিগ্ৰামৰ আসনত তেওঁ তৃণমূল কংগ্ৰেছৰ প্ৰাৰ্থী পবিত্ৰ কাৰক ৯,৬৬৫টা ভোটৰ ব্যৱধানত পৰাস্ত কৰে।

প্ৰধানমন্ত্ৰী নৰেন্দ্ৰ মোদীয়ে সৰলতা আৰু ইন্ধন কাৰ্যক্ষমতাৰ বাবে কৰা আবেদনৰ প্ৰতি সঁহাৰি জনাই মুখ্যমন্ত্ৰীয়ে কয় যে তেওঁৰ কনভয়ত যান-বাহনৰ সংখ্যা হ্ৰাস কৰিবলৈ নিৰ্দেশ দিছে। তেওঁ লগতে কয় যে কনভয়ত কেৱল অত্যাৱশ্যকীয় নিৰাপত্তাৰক্ষীৰ বাহনহে অন্তৰ্ভুক্ত কৰা হ’ব।

হিন্দুস্থান সমাচাৰ / অৰৱিন্দ