কলকাতা, ১৩ মে’(হি.স.)। পশ্চিম বংগৰ মুখ্যমন্ত্ৰী সুভেন্দু অধিকাৰীয়ে বুধবাৰে বিধানসভাত ভৱানীপুৰ সমষ্টিৰ পৰা বিধায়ক হিচাপে শপত গ্ৰহণ কৰে। বিধানসভাত উপস্থিত হোৱাৰ আগতে চিৰিৰ ওপৰত মূৰ নমাই দিলে। বিধানসভা চৌহদৰ ভিতৰত তেওঁক আনুষ্ঠানিকভাৱে আদৰণি জনোৱা হয় আৰু পৰম্পৰা অনুসৰি তেওঁক সন্মানৰ ৰক্ষীও দিয়া হয়।

মুখ্যমন্ত্ৰীগৰাকীক আদৰণি জনায় প্ৰ’টেম অধ্যক্ষ তথা ভাৰতীয় জনতা পাৰ্টিৰ মণিকতলাৰ বিধায়ক তপস ৰায়ে। ইয়াৰ পিছতে মুখ্যমন্ত্ৰীয়ে ড০ ভীমৰাও আম্বেদকাৰৰ প্ৰতিমূৰ্তিত মালা পিন্ধাই বিধানসভাৰ মুখ্যমন্ত্ৰীৰ কোঠালৈ আগবাঢ়ি যায়, য’ত তেওঁ পূজা কৰে। পিছত মুখ্যমন্ত্ৰীয়ে ছ’চিয়েল মিডিয়া প্লেটফৰ্ম এক্সত পূজাৰ এটা ভিডিঅ’ শ্বেয়াৰ কৰে, য’ত তেওঁক ঘণ্টা বজাই পূজা কৰা দেখা গ’ল।

ইয়াৰ পিছতে মুখ্যমন্ত্ৰীগৰাকীয়ে বিধানসভা কক্ষত প্ৰৱেশ কৰে, য’ত প্ৰ’টেম অধ্যক্ষ তপস ৰায়ে তেওঁক শপত গ্ৰহণ কৰে। ভৱানীপুৰৰ পৰা বিধায়ক হিচাপে শপত গ্ৰহণৰ লগে লগে স্পষ্ট হৈ পৰিল যে তেওঁ নন্দিগ্ৰামৰ আসন এৰিব। মুখ্যমন্ত্রী সোণোৱালে টুইটাৰ যোগে শপতগ্রহণ অনুষ্ঠানৰ এটা ভিডিঅ’ও শ্বেয়াৰ কৰে৷

মুখ্যমন্ত্ৰীৰ পিছতে ৰাজ্যৰ মন্ত্ৰীসভাৰ আন সদস্যসকলেও শপত গ্ৰহণ কৰে। ইয়াৰ ভিতৰত আছিল দিলীপ ঘোষ, অগ্নিমিত্ৰ পাল, আৰু নিশিত প্ৰমানিক। ইয়াৰ পিছতে আন বিধায়কৰ শপতগ্ৰহণৰ প্ৰক্ৰিয়া আৰম্ভ হয়।

সূত্ৰ অনুসৰি প্ৰথম পৰ্যায়ত প্ৰায় ৮০জন বিধায়কে দুপৰীয়া ১:৩০ বজাৰ ভিতৰত শপত গ্ৰহণ কৰে। এই পৰ্যায়ত মূলতঃ উত্তৰ বংগ আৰু মুৰ্ছিদাবাদৰ বিধায়কসকল অন্তৰ্ভুক্ত আছিল। আম জনতা উন্নয়ন পাৰ্টিৰ নেতা হুমায়ুন কবীৰেও নাওদা আসনৰ পৰা বিধায়ক হিচাপে শপত গ্ৰহণ কৰে। ইয়াৰ লগে লগে তেওঁ ৰাজনগৰ আসন এৰি যোৱাৰ সম্ভাৱনা আছে।

দ্বিতীয় পৰ্যায়ৰ শপতগ্ৰহণ দুপৰীয়া ২ বজাৰ পৰা আৰম্ভ হ’ব আৰু বিয়লি ৪ বজালৈকে চলিব। এই পৰ্যায়ত নাদিয়া, উত্তৰ ২৪ পৰগনা, আৰু দক্ষিণ ২৪ পৰগনাৰ বিধায়কসকলে শপত গ্ৰহণ কৰে।

বৃহস্পতিবাৰেও অব্যাহত থাকিব বিধানসভাত নৱনিৰ্বাচিত বিধায়কৰ শপত গ্ৰহণ অনুষ্ঠান। প্ৰ’-টেম অধ্যক্ষ তপস ৰায়ে সকলো বিধায়কক শপত গ্ৰহণ কৰিব। সাধাৰণতে বিধানসভাৰ জ্যেষ্ঠ সদস্যজনক প্ৰ’-টেম অধ্যক্ষ নিযুক্তি দিয়া হয় আৰু স্থায়ী অধ্যক্ষ নিৰ্বাচিত নোহোৱালৈকে সদনৰ কাৰ্য্যবিধিৰ সভাপতিত্ব কৰে।

মঙলবাৰে ৰাজ্যপাল আৰ.এন. ৰবিয়ে লোকভৱনত প্ৰ’টেম অধ্যক্ষ হিচাপে তপস ৰায়ক শপত গ্ৰহণ কৰে। ১৫ মে’ত অনুষ্ঠিত হ’ব অধ্যক্ষৰ নিৰ্বাচন। সূত্ৰই ইংগিত দিছে যে অধ্যক্ষ পদৰ বাবে তপস ৰায়ক বিবেচনা কৰা হ’ব পাৰে।

উল্লেখযোগ্য যে মঙলবাৰে পুৱা অসমত মুখ্যমন্ত্ৰী হিচাপে হিমন্ত বিশ্ব শৰ্মাৰ শপত গ্ৰহণ অনুষ্ঠানত অংশগ্ৰহণ কৰে মুখ্যমন্ত্ৰী সুবেন্দু অধিকাৰীয়ে। উভতি অহাৰ পাছত তেওঁ পোনে পোনে লোকভৱনলৈ ৰাওনা হ’ল, য’ত কেইবাজনো মন্ত্ৰী আৰু নৱনিৰ্বাচিত বিধায়কও উপস্থিত আছিল।

হিন্দুস্থান সমাচাৰ / অৰৱিন্দ