ধুবুৰী, ১৩ মে’ (হি.স.): ধুবুৰী জিলাৰ গোলকগঞ্জৰ 'স্মাৰ্ট পইণ্ট'ত যোৱা কালি সন্ধিয়া উত্তপ্ত পৰিস্থিতিৰ সৃষ্টি হয় । ম্যাদ উকলি যোৱা শীতল পানীয় বিক্রী কৰাক লৈযে গোলকগঞ্জৰ স্মাৰ্ট পইন্টত এই উত্তপ্ত পৰিস্থিতিৰ উদ্ভৱ হয়।

ইফালে প্ৰতিবাদ কৰিবলৈ যোৱা ছাত্ৰক বিপণীৰ কৰ্মচাৰীয়ে বেয়া ব্যৱহাৰ কৰাৰো অভিযোগ উত্থাপিত হৈছে । ইয়াকে লৈ সৃষ্টি হয় হাহাকাৰ পৰিস্থিতিৰ। আনহাতে বিপণীত গোলকগঞ্জ আৰক্ষীয়ে অভিযান চলাই জব্দ কৰে বৃহৎ পৰিমাণৰ ম্যাদ উকলি যোৱা কল্ড ড্ৰিংকছৰ কাৰ্টুন l গ্ৰাহকৰ স্বাস্থ্যক লৈ হেতালি খেলাৰ অভিযোগ উঠিছে বিপনী খনৰ বিৰুদ্ধে । এইক্ষেত্ৰত আৰক্ষীৰ তদন্ত অব্যাহত আছে ।

হিন্দুস্থান সমাচাৰ / কিশোৰ মিশ্ৰ