নতুন দিল্লী, ১৩ মে’ (হি.স.)। ছানৰাইজাৰ্ছ হায়দৰাবাদৰ (এছ. আৰ. এইচ.) অধিনায়ক পেট কামিন্সক গুজৰাট টাইটানছৰ (জি. টি.) বিৰুদ্ধে মঙলবাৰৰ খেলত মন্থৰ অভাৰ ৰেট বজাই ৰখাৰ বাবে ১২ লাখ টকাৰ জৰিমনা বিহা হৈছে। আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হোৱা এই খেলখন ইণ্ডিয়ান প্ৰিমিয়াৰ লীগ (আই পি এল) ২০২৬-ৰ ৫৬ সংখ্যক খেল আছিল।
খেলুৱৈ আৰু খেলুৱৈৰ সহযোগী কৰ্মচাৰীসকলৰ বাবে আই পি এলৰ আচৰণ বিধিৰ অনুচ্ছেদ ২.২২ ৰ অধীনত নিম্নতম অভাৰ ৰেট নিয়মাৱলী ভংগ কৰাৰ বাবে এই ব্যৱস্থা গ্ৰহণ কৰা হৈছিল। যিহেতু এইটো ছানৰাইজাৰ্ছ হায়দৰাবাদৰ ছিজনৰ প্ৰথমটো অভাৰ ৰেটৰ অপৰাধ আছিল, সেয়েহে অধিনায়ক পেট কামিন্সক ১২ লাখ টকাৰ জৰিমনা দিয়া হৈছিল।
খেলখনত গুজৰাট টাইটানছৰ হাতত ৮২ ৰাণত লজ্জাজনক পৰাজয়ৰ সন্মুখীন হৈছিল ছানৰাইজাৰ্ছ হায়দৰাবাদ। প্ৰথমে বেটিং কৰি গুজৰাটে ২০ অভাৰত ৫ উইকেটত ১৬৮ ৰান সংগ্ৰহ কৰে। ইয়াৰ প্ৰত্যুত্তৰত হায়দৰাবাদ ১৪.৫ অভাৰত মাত্ৰ ৮৬ ৰানত অলআউট হয়।
গুজৰাটৰ আৰম্ভণি বেয়া আছিল। অধিনায়ক শুবমান গিল ৫ আৰু জছ বাটলৰ ৭ ৰানত সোনকালে আউট হৈছিল। ইয়াৰ পিছত চাই সুদৰ্শনে ৬১ ৰানৰ গুৰুত্বপূৰ্ণ ইনিংছ খেলিছিল আৰু ৱাশ্বিংটন সুন্দৰে ৫০ ৰান সংগ্ৰহ কৰি দলটোক এক সন্মানীয় মুঠলৈ লৈ গৈছিল।
৬৯১ ৰাণৰ লক্ষ্যত খোজ কঢ়াৰ সময়ত হায়দৰাবাদৰ বেটিং সম্পূৰ্ণৰূপে ভাঙি পৰিছিল। মহম্মদ চিৰাজে প্ৰথম অভাৰতে ট্ৰেভিছ হেডক শূন্যত আউট কৰিছিল। তাৰ পিছত কাগিচো ৰাবাদাই অৰ্ডাৰৰ শীৰ্ষত ধ্বংসলীলা চলাইছিল। হায়দৰাবাদৰ হৈ অধিনায়ক পেট কামিন্সে সৰ্বাধিক ১৯ ৰান সংগ্ৰহ কৰিছিল যদিও দলটোক পৰাজয়ৰ পৰা ৰক্ষা কৰিব পৰা নাছিল।
গুজৰাটৰ হৈ কাগিচো ৰাবাদাই ২৮ ৰাণত ৩ উইকেট লয় আৰু 'প্লেয়াৰ অৱ দ্য মেচ হিচাপে নিৰ্বাচিত হয়। একে সময়তে জেচন হ 'ল্ডাৰ আৰু প্ৰসিদ্ধ কৃষ্ণাইও সুন্দৰকৈ বল কৰিছিল আৰু ৩-৩টা উইকেট দখল কৰিছিল।
এই জয়ৰ জৰিয়তে শুবমান গিলৰ নেতৃত্বত গুজৰাট টাইটানছে পইণ্ট তালিকাৰ শীৰ্ষস্থান দখল কৰিছে।
--------
হিন্দুস্থান সমাচাৰ / অৰৱিন্দ
