নতুন দিল্লী, ১৩ মে’ (হি.স.)। কেন্দ্রীয় চৰকাৰে ২০২৬-২৭ বতৰৰ বাবে খাৰিফ শস্যৰ এম এছ পি বৃদ্ধি কৰিছে ৷ ধানৰ বাবে ৭২ টকা, জলৰ বাবে ৩২৪ টকা, আৰু কুইণ্টলৰ বাবে ১০ টকা বৃদ্ধি। ইয়াৰ উপৰিও সূৰ্য্যমুখীৰ গুটিত প্ৰতি কুইণ্টলত ৬২২ টকা বৃদ্ধি পাইছে।

প্ৰধানমন্ত্ৰী নৰেন্দ্ৰ মোডীৰ অধ্যক্ষতাত কেবিনেট কমিটী অন ইকনমিক এফেয়াৰ্ছ (চিচিইএ)য়ে ২০২৬-২৭ বৰ্ষৰ বিপণন বতৰৰ বাবে ১৪টা খাৰিফ শস্যৰ নূন্যতম সহায়ক মূল্য বৃদ্ধিৰ বাবে অনুমোদন জনাইছে। কৃষকসকলে উৎপাদিত সামগ্ৰীৰ বাবে পাৰিতোষিক মূল্য লাভ কৰাটো নিশ্চিত কৰিবলৈ চৰকাৰে এই সিদ্ধান্ত গ্ৰহণ কৰিছে।

কেন্দ্ৰীয় মন্ত্ৰী অশ্বিনী বৈষ্ণৱে ৰাষ্ট্ৰীয় সংবাদ মাধ্যমৰ কেন্দ্ৰত এক সংবাদমেলত অৱগত কৰে যে কৃষকসকলে তেওঁলোকৰ উৎপাদিত সামগ্ৰীৰ বাবে পাৰিতোষিক মূল্য লাভ কৰাটো নিশ্চিত কৰিবলৈ চৰকাৰে ২০২৬-২৭ বৰ্ষৰ বিপণন বতৰৰ বাবে খাৰিফ শস্যৰ নূন্যতম সমৰ্থন মূল্য (এম এছ পি) বৃদ্ধি কৰিছে। যোৱা বছৰৰ তুলনাত সূৰ্য্যমুখীৰ গুটি (প্ৰতি কুইণ্টলত ৬২২₹), তাৰ পিছতে কপাহ (প্ৰতি কুইণ্টলত ৫৫৭₹), নাইজাৰ বীজ (প্ৰতি কুইণ্টলত ৫১৫₹), আৰু তিল (প্ৰতি কুইণ্টলত ৫০০₹)ৰ বাবে এম এছ পি বৃদ্ধি পোৱা গৈছে।

২০২৬-২৭ খৰিফ বিপণন বতৰৰ বাবে ধানৰ (সাধাৰণ) এমএছপি ২,৩৬৯ ₹ৰ পৰা ২,৪৪১₹লৈ বৃদ্ধি কৰা হৈছে। ধান গ্ৰেড এৰ এম এছ পিও ২,৩৮৯ ₹ৰ পৰা ২,৪৬১ ₹ প্ৰতি কুইণ্টললৈ ৭২ ₹ বৃদ্ধি কৰা হৈছে।

জোৱাৰ (হাইব্ৰিড)ৰ এম এছ পি ৩২৪ টকা বৃদ্ধি কৰি ৩৬৯৯ টকাৰ পৰা ৪০২৩ টকা কৰাৰ বিপৰীতে জোৱৰ মালদাণ্ডীৰ এম এছ পি ৩২৪ টকা বৃদ্ধি কৰি ৩৭৪৯ টকাৰ পৰা প্ৰতি কুইণ্টলত ৪০৭৩ টকা কৰা হৈছে। বাজৰাৰ এম এছ পি ১২৫ টকা বৃদ্ধি কৰি ২৭৭৫ টকাৰ পৰা প্ৰতি কুইণ্টলত ২৯০০ টকা কৰা হৈছে। ৰাগীৰ এম এছ পি ৩১৯ টকা বৃদ্ধি কৰি ৪৮৮৬ টকাৰ পৰা প্ৰতি কুইণ্টলত ৫২০৫ টকা কৰা হৈছে।

মাকৈৰ এম এছ পি ১০ টকা বৃদ্ধি কৰি ২৪০০ টকাৰ পৰা প্ৰতি কুইণ্টলত ২৪১০ টকা কৰা হৈছে। অৰহাৰ/তুৰৰ এম এছ পি ৪৫০ টকা বৃদ্ধি কৰি ৮০০০ৰ পৰা প্ৰতি কুইণ্টলত ৮৪৫০ টকা কৰা হৈছে। মুগৰ এম এছ পি ১২ টকা বৃদ্ধি কৰি ৮৭৬৮ টকাৰ পৰা ৮৭৮০ টকালৈ আৰু ৰহৰৰ এম এছ পি ৪০০ টকা বৃদ্ধি কৰি ৭৮০০ টকাৰ পৰা ৮২০০ টকা কৰা হৈছে।

প্ৰতি কুইণ্টলত বাদামৰ এম এছ পি ২৫৪ টকা বৃদ্ধি কৰি ৭২৬৩ টকাৰ পৰা ৭৫১৭ টকালৈ কৰা হৈছে। সূৰ্যমুখী বীজৰ এম এছ পি ৬২২ টকা বৃদ্ধি কৰি ৭৭২১ টকাৰ পৰা ৮৩৪৩ টকালৈ বৃদ্ধি কৰা হৈছে। চয়াবিন (হালধীয়া) এম এছ পি ৩৮০ টকা বৃদ্ধি কৰি ৫৩২৮ টকাৰ পৰা ৫৭০৮ টকালৈ বৃদ্ধি কৰা হৈছে। তিলৰ এম এছ পি ৫০০ টকা বৃদ্ধি কৰি ৯,৮৪৬ ₹ৰ পৰা প্ৰতি কুইণ্টলত ১০,৩৪৬ ₹লৈ বৃদ্ধি কৰাৰ বিপৰীতে নাইজাৰ বীজৰ এম এছ পি ৫১৫ টকা বৃদ্ধি কৰি ৯,৫৩৭ ₹ৰ পৰা ১০,০৫২ ₹ প্ৰতি কুইণ্টলত বৃদ্ধি কৰা হৈছে।

কপাহৰ (মধ্যমীয়া আঁহ) এমএছপি প্ৰতি কুইণ্টলত ৫৫৭ টকা বৃদ্ধি কৰি ৭,৭১০ ₹ৰ পৰা ৮,২৬৭ ₹লৈ কৰা হৈছে। কপাহ (দীঘল আঁহ)ৰ এমএছপিও প্ৰতি কুইণ্টলত ৫৫৭ টকা বৃদ্ধি কৰি ৮,১১০ ₹ৰ পৰা ৮,৬৬৭ ₹লৈ বৃদ্ধি কৰা হৈছে।

হিন্দুস্থান সমাচাৰ / মনোজ কুমাৰ শইকীয়া