নতুন দিল্লী, ১২ মে’ (হি.স.)। পুডুচেৰীত বুধবাৰে এআইএনআৰচিৰ নেতা এন ৰংগাছামীৰ মুখ্যমন্ত্ৰী হিচাপে শপতগ্ৰহণ অনুষ্ঠানত অংশগ্ৰহণ কৰিব ভাৰতীয় জনতা পাৰ্টিৰ ৰাষ্ট্ৰীয় সভাপতি নীতিন নবিনে। বিজেপিৰ বিধায়ক আৰু কৰ্মীসকলৰ সৈতেও সাক্ষাৎ কৰিব।

বিজেপিৰ মুখ্য কাৰ্যালয়ৰ পৰা লাভ কৰা তথ্য অনুসৰি মঙলবাৰে সন্ধিয়া পুডুচেৰীত উপস্থিত হ’ব নীতিন নবীন, য’ত তেওঁক দলীয় কৰ্মীয়ে আদৰণি জনাব। তাৰ পৰাই তেওঁ বিজেপিৰ কাৰ্যালয়লৈ গৈ দলীয় কৰ্মীৰ সৈতে সাক্ষাৎ কৰিব। ইয়াৰ পিছত তেওঁ বিজেপিৰ নৱনিৰ্বাচিত বিধায়কৰ সৈতে সাক্ষাৎ কৰিব আৰু পিছত বিজেপি কৰ্মীৰ পৰিয়ালৰ সৈতে সাক্ষাৎ কৰিব।

লোক নিৱাসত অনুষ্ঠিত হ’বলগা শপতগ্ৰহণ অনুষ্ঠানত উপ-ৰাজ্যপাল কে কৈলাশনাথনে ৰংগাছামীক পদ আৰু গোপনীয়তাৰ শপত গ্ৰহণ কৰাব। কেন্দ্ৰীয় মন্ত্ৰী তথা দলটোৰ পুডুচেৰী নিৰ্বাচনী প্ৰভাৰী ড০ মনসুখ মাণ্ডবিয়াইও শপতগ্ৰহণ অনুষ্ঠানত অংশ ল’ব।

উল্লেখযোগ্য যে এআইএনআৰচিৰ নেতৃত্বত পুডুচেৰীত এনডিএ চৰকাৰ গঠন কৰা হৈছে। মিত্ৰজোঁটৰ দ্বিতীয় বৃহত্তম দল বিজেপি।

हिन्दुस्थान समाचार / অৰৱিন্দ