নতুন দিল্লী, ১২ মে’ (হি.স.)। থাইলেণ্ড অ’পেন ২০২৬ৰ পুৰুষৰ ডাবলছ শাখাত ভাৰতীয় বেডমিণ্টনৰ তাৰকা সাতৱিকছাইৰাজ ৰেংকিৰেডী আৰু চিৰাগ শ্বেট্টীয়ে প্রি-কোৱাৰ্টাৰ ফাইনেলত প্ৰৱেশ কৰি শক্তিশালী আৰম্ভণি কৰিছে।
মঙলবাৰে ভাৰতীয় যুটিয়ে ইণ্ডোনেছিয়াৰ মুহ পুত্ৰা এৰৱিয়ানছিয়া আৰু বাগুছ মৌলানাক ২১-১৯, ২১-২৩, ২১-১০ ব্যৱধানত পৰাস্ত কৰে। এঘণ্টা চাৰি মিনিট ধৰি খেলখন চলিছিল।
প্ৰথমখন খেল আছিল ৰোমাঞ্চকৰ, সাতৱিক আৰু চিৰাগে ২১-১৯ ব্যৱধানত জয়লাভ কৰে। দ্বিতীয়খন খেলত ইণ্ডোনেছিয়াৰ যুটিটোৱে ২৩-২১ ব্যৱধানত জয়লাভ কৰি পুনৰ উভতি আহে। অৱশ্যে নিৰ্ণায়ক খেলখনত ভাৰতীয় খেলুৱৈসকলে উজ্জ্বল প্ৰদৰ্শন আগবঢ়াই ২১-১০ ব্যৱধানত একপক্ষীয় জয় নিশ্চিত কৰি মেচখন জয়ী কৰে।
এতিয়া প্ৰি-কোৱাৰ্টাৰ ফাইনেলত সাতৱিক আৰু চিৰাগে মালয়েছিয়াৰ যুটি ব্রায়ান জেৰেমি গানটিং আৰু মহম্মদ হাইকালৰ সৈতে মুখামুখি হ’ব ।
हिन्दुस्थान समाचार / অৰৱিন্দ
