নগাঁও, ১২ মে (হি.স.)। ইতিহাস প্ৰসিদ্ধ মধ্য অসমৰ সাতো ৰজা আৰু সৰা ৰাজ্যৰ খাইগড় ৰজাৰ ব'হাগ মাহৰ শেষৰ মংগলবাৰে গোঁসাই উলিওৱা মেলা অৰ্থাৎ খাইগড় মেলা আজি পৰম্পৰা ৰীতি-নীতিৰে খাইগড় ৰজা কুমুদ ৰাজকুমাৰ বাসগৃহলৈ বামুণ গোঁসাই থানৰ পৰা বায়ন গায়ন খোল তাল আৰু হৰি নাম- কীৰ্তনেৰে গোঁসাই ভাগ উলিয়াই অনা হয় ।

খাইগড় ৰজাৰ পুত্ৰ কুমুদ ৰাজকুমাৰে পৰম্পৰাগত ৰীতি-নীতিৰে যাৱতীয় কাম সম্পন্ন কৰা পাছত গোঁসাই ভাগক খাইগড় খেল পথাৰ অৰ্থাৎ ৰহা উচ্চতৰ মাধ্যমিক বিদ্যালয়ৰ খেলপথাৰলৈ নি তাত হৰি নাম-কীৰ্তন কৰি পুনৰ গোঁসাই ভাগক বামুণ গোঁসাই থানলৈ লৈ যায় । প্ৰবাদ আছে পাঁচো ৰাজ্যত এই গোঁসাই উলিওৱা মেলা ভাগ অনুষ্ঠিত নকৰে তেনেহলে অঞ্চলৰ অপায় অমংগল তথা নানা বিপদে দেখা দিয়ে বুলি কয় । ব'হাগৰ প্ৰথম দেওবাৰৰ পৰা গোঁসাই উলিওৱা মেলা ভাগ গোটেই ব'হাগ মাহত সৰা ৰাজ্যত অনুষ্ঠিত কৰি আহিছে।

হিন্দুস্থান সমাচাৰ / কিশোৰ মিশ্ৰ