কাঠমাণ্ডু, ১২ মে’ (হি.স.)। মঙলবাৰে পুৱা ভূমিস্খলনে নেপালৰ বিখ্যাত মুক্তিনাথ অঞ্চললৈ যোৱা পথ অৱৰোধ হৈ পৰাত তীৰ্থযাত্ৰী আবদ্ধ হৈ পৰে। মুস্তাংগক ৰাষ্ট্ৰীয় ঘাইপথ নেটৱৰ্কৰ সৈতে সংযোগ কৰা বেনি-জমছম-কোৰলা পথ আজি পুৱাৰে পৰা মুক্তিনাথলৈ যোৱা পথত ম্যাগদি জিলাৰ অন্নপূৰ্ণাৰ মহাভিৰত হোৱা ভূমিস্খলনৰ ফলত বন্ধ হৈ পৰিছে। বিখ্যাত মুক্তিনাথ অঞ্চললৈ যোৱা এইটোৱেই একমাত্ৰ পথ।
শিল আৰু বোকাময় ভূমিস্খলনৰ ফলত ৭৬ কিলোমিটাৰ দৈৰ্ঘ্যৰ বেনি-জমছম পথ অংশত যাতায়ত ব্যাহত হয়। বেনিৰ পৰা মুস্তাংগলৈ আৰু জোমছমৰ পৰা বেনিলৈ যোৱা বাহন আবদ্ধ হৈ পৰে। ইয়াৰে অধিকাংশই আছিল মুক্তিনাথলৈ যোৱা পৰ্যটক আৰু তীৰ্থযাত্ৰী।
মুস্তাংগ জিলা আৰক্ষী কাৰ্যালয়ৰ মুখপাত্ৰ সাগৰ টিমিলছিনাই কয় যে গড়কাপ্তানি বিভাগৰ সা-সৰঞ্জাম মোতায়েন কৰি পথটো পুনৰ নিৰ্মাণৰ প্ৰচেষ্টা অব্যাহত আছে।
हिन्दुस्थान समाचार / মনোজ কুমাৰ শইকীয়া
