নতুন দিল্লী, ১২ মে’ (হি.স.)। সপ্তাহটোৰ দ্বিতীয়টো ব্যৱসায়িক দিন মঙলবাৰে শ্বেয়াৰ বজাৰ খন ৰঙা সূচকত মুকলি হয়। পশ্চিম এছিয়াত ভূ-ৰাজনৈতিক উত্তেজনা তীব্ৰতৰ হোৱা আৰু খাৰুৱা তেলৰ মূল্য বৃদ্ধিৰ ফলত আৰম্ভণিৰ ব্যৱসায়ত শ্বেয়াৰ বজাৰত তীব্ৰ অৱনতি ঘটিছিল। একেৰাহে দ্বিতীয় দিন ধৰি বজাৰখন হ্ৰাস পাইছে। চেন্সেক্সৰ ৭৬৮ পইণ্ট হ্ৰাস পোৱাৰ বিপৰীতে নিফ্টীৰ ২১০ পইণ্ট হ্ৰাস পাইছে।
বম্বে ষ্টক এক্সচেঞ্জৰ চেন্সেক্সৰ মূল্য ৭৬৮.৮৪ পইণ্ট বা ১.০১ শতাংশ হ্ৰাস পাই ৭৫,২৪৬.৪৪ টকাত ব্যৱসায় কৰে। একেদৰে নেশ্যনেল ষ্টক এক্সচেঞ্জ (এনএছই) নিফটিৰ মূল্যও ২১০.০৫ পইণ্ট বা ০.৮৮ শতাংশ হ্ৰাস পাই ২৩,৬০৫.৮০ টকাত ব্যৱসায় চলি আছে।
বিশেষজ্ঞসকলৰ মতে, বিদেশী পুঁজিৰ প্ৰত্যাহাৰ অব্যাহত থকা আৰু আমেৰিকা আৰু ইৰাণৰ মাজত শান্তি আলোচনাৰ সংকটে বিনিয়োগকাৰীৰ আস্থা দুৰ্বল কৰি তুলিছে। পশ্চিম এছিয়াত আমেৰিকা আৰু ইৰাণৰ মাজত বৃদ্ধি পোৱা উত্তেজনা আৰু আপোচৰ আশা ম্লান হৈ অহাৰ ফলত খাৰুৱা তেলৰ মূল্য বৃদ্ধিৰ বাবে ঘৰুৱা মুদ্ৰাৰ ওপৰত হেঁচা বৃদ্ধি পাইছে। ইফালে, আজিৰ আগতীয়া ব্যৱসায়ত ভাৰতীয় টকাৰ মূল্য ৩৫ পইচা হ্ৰাস পাই এতিয়ালৈকে সৰ্বনিম্ন স্তৰ ৯৫.৬৩ত উপনীত হয়।
উল্লেখযোগ্য যে ইয়াৰ পূৰ্বে শ্বেয়াৰ বজাৰখন হ্ৰাসৰ লগে লগে বন্ধ হৈ পৰিছিল । চেন্সেক্স ১৩১৩ পইণ্ট হ্ৰাস পাই ৭৬,০১৫ পইণ্টত বন্ধ হয়। নিফটিৰ মূল্যও ৩৬০ পইণ্ট হ্ৰাস পাই ২৩,৮১৫ পইণ্টত বন্ধ হয়।
हिन्दुस्थान समाचार / মনোজ কুমাৰ শইকীয়া
