নতুন দিল্লী, ১২ মে’ (হি.স.)। কেন্দ্ৰীয় বাণিজ্য আৰু উদ্যোগ মন্ত্ৰী পীয়ুষ গোৱেলে মঙলবাৰে ভাৰত আৰু ওমানৰ মাজত মুক্ত বাণিজ্য চুক্তি (এফটিএ) ১ জুনৰ পৰা কাৰ্যকৰী হ’ব বুলি আশা প্ৰকাশ কৰে । ২০২৫ চনৰ ডিচেম্বৰ মাহত এই চুক্তি স্বাক্ষৰিত হৈছিল।
সাংবাদিকক সম্বোধন কৰি গোৱেলে কয় যে ওমানৰ বাণিজ্য, উদ্যোগ আৰু বিনিয়োগ প্ৰসাৰ মন্ত্ৰালয়ৰ বৈদেশিক বাণিজ্য আৰু আন্তঃৰাষ্ট্ৰীয় সহযোগিতাৰ উপদেষ্টা পংকজ খিমজীৰ সৈতে তেওঁৰ এক ফলপ্ৰসূ বৈঠক হৈছিল। ওমান মুক্ত বাণিজ্য চুক্তি ২০২৬ চনৰ ১ জুনৰ পৰা কাৰ্যকৰী হোৱাৰ সম্ভাৱনা আছে।বাণিজ্য আৰু বিনিয়োগক প্ৰসাৰিত কৰাৰ উপায়ৰ বিষয়ে আলোচনা কৰিবলৈ ওমানৰ দলটো ভাৰতত আছে।
বৈঠকত আলোচনাৰ মূল কেন্দ্ৰবিন্দু আছিল ভাৰত-ওমান অৰ্থনৈতিক সহযোগিতা শক্তিশালী কৰা, সংযোগ আৰু লজিষ্টিক সম্পৰ্ক উন্নত কৰা, বাণিজ্যিক প্ৰবাহৰ সুবিধা প্ৰদান কৰা, ভাৰত-ওমান (চিইপিএ) কাঠামোৰ অধীনত দ্বিপাক্ষিক অংশীদাৰিত্বৰ নতুন সুযোগ বিচাৰি উলিওৱা।
ভাৰত আৰু ওমানৰ মাজত হোৱা চুক্তি অনুসৰি বস্ত্ৰ, কৃষিজাত সামগ্ৰী, চামৰাৰ সামগ্ৰীকে ধৰি ভাৰতৰ ৰপ্তানিৰ ৯৮ শতাংশই ওমানলৈ শুল্কমুক্ত প্ৰৱেশৰ সুবিধা লাভ কৰিব। আনহাতে ভাৰতে ওমানৰ সামগ্ৰী যেনে খেজুৰ, মাৰ্বল, পেট্ৰ’কেমিকেলৰ ওপৰত শুল্ক হ্ৰাস কৰিব।
हिन्दुस्थान समाचार / অৰৱিন্দ
