শিৱসাগৰ, ১১ মে’ (হি.স.): শিৱসাগৰত গৰাখহনীয়াত বিধ্বস্ত এটা মথাউৰিয়ে বিশখনৰো অধিক গাঁৱলৈ বিপদ কঢ়িয়াই অনাৰ আশংকা কৰা হৈছে । বিগত বৰ্ষৰ নৱেম্বৰ মাহতেই দিখৌ নদীৰ প্ৰবল সোতে মথাউৰিৰ লগতে প্ৰায় আধা কিলোমিটাৰ অঞ্চলত ভয়াৱহ খহনীয়াৰ সৃষ্টি কৰিছিল ।

শিৱসাগৰ জিলাৰ দিখৌমুখ ৰঘুবাৰী অঞ্চলৰ দিখৌ নদীৰ দুৰ্বল মথাউৰিয়ে আতংকগ্ৰস্ত কৰি তুলিছে বিশখনৰো অধিক গাৱৰ ৰাইজক।খহনীয়া ৰোধৰ বাবে বাঁহৰ লাং, কেইগাড়ীমান মাটি , জিঅ মেট আৰু জিঅ বেগ দিয়েই পাল মাৰিলে জলসম্পদ বিভাগে।বাৰিষা আহিলেই দিখৌ নদীৰ প্ৰবল সোতত মথাউৰি ছিঙি যোৱাৰ আশংকা কৰিছে স্থানীয় ৰাইজে । শীঘ্ৰেই স্থায়ী সমাধানৰ দাবী তুলিছে স্থানীয় ৰাইজ সকলেয়ে ।

হিন্দুস্থান সমাচাৰ / কিশোৰ মিশ্ৰ